WOHO WA NTATƐ SAWO L’ONTO
WEKELO 5
Onga la loshilambo
Tɔndɔ: “Nyotondjake nshi tshɛ ɛtɛkɛta w’amɛna.”—Kɔl. 4:6.
Kɛnɛ kakasale Pɔɔlɔ
1. Enda VIDƐO kana adia Etsha 17:22, 23. Oma laasɔ, kana yimba lo ambola wayela anɛ:
-
Ngande wakayaoke Pɔɔlɔ lo dikambo dia ditshelo dia l’ɔtɛmwɛlɔ wa kashi diakandɛnyi l’Atɛna?—Enda Etsha 17:16.
-
Lo dihole dia mɔnyɔla ase Atɛna, ngande wakakambe Pɔɔlɔ la dilɛmiɛlɔ tshɛ la waetawɔ awɔ dia mbasambisha lokumu l’ɔlɔlɔ?
Wetshelo akɔna wakondjaso oma le Pɔɔlɔ?
2. Anto wayoleka monga suke dia tohokamɛ naka sho nsɔna kɛnɛ kayotota ndo etena la yoho yayotokita.
Okoya Pɔɔlɔ
3. Sɔna ɛtɛkɛta w’amɛna. Ɛnyɛlɔ etena kasambishaso onto lele bu Okristo ondo ayonga ohomba sho ntshikitanya yoho yɔtshiyaso Bible kana etena katɛkɛtaso dikambo dia Yeso.
4. Tongake suke dia mingola onto. Tshikande akɛnɛmɔlɛ kɛnɛ kele l’otema ande. Naka nde ambota dui dimɔtshi diahetawɔma lo Bible, tomalake. (Jak. 1:19) Lo mbohokamɛ, wɛ ayoshihodia dietawɔ diande ndo lande na kende ladiɔ.—Tok. 20:5.
5. Etawɔ kɛnɛ katande ndo andolakande naka kokaka. Nde koka nshikikɛ l’otema ɔtɔi dia dietawɔ diande diekɔ mɛtɛ. Yanga dia ntɛkɛta dui diosanginyu lolemi ndo kimanyiyande yema yema dia nshihodia kɛnɛ ketsha Bible.
