GUPHEYA MABHULO
GIHEVBULO 5
Yeyedza githawo
Litshina nya nayo: “Tepo yatshavbo ganeyani malito ma tsakisago.” — Kol. 4:6.
Ginani Pawulo a giridego?
1. Sistiri VHIDHYU, mwendro leri Mithumo 17:22, 23. Khavbovbo gira siwudziso si landreyago:
-
Pawulo a dzipwide kharini tepo a nga wona sifananiso Atena? — Wona Mithumo 17:16.
-
Wulangani nya gu lamule vathu vale, Pawulo yeyedzide kharini githawo khu gu thumisa esi va nga ba va si khodwa kha nga ndziya nya gu va bhuleye mahungo nya yadi?
Ginani hi gi hevbulago khu Pawulo?
2. Vathu va nga hi engiseya gwadi ha gu hatha gwadi malito hi na ganeyago, edzi hi na ganeyago khidzo ni tepo hi yedego gu ganeya.
Pimedzeya Pawulo
3. Hatha gwadi malito yago. Khu giyeyedzo, tepo u ganeyago ni muthu a khodwago silo nyo hambane ni esi u si khodwago, adzina u nga vbindrugedza mabhulo yago nya Bhibhiliya mwendro edzi u ganeyago khidzo khu Jesu.
4. U nga dzegeyi gu lamula muthu. Mu dige a ganeya edzi a dzipwago khidzo. A gu ganeya gilo gi gu mba gimbeleyana ni sihevbudzo nya Bhibhiliya dzi phare, u nga mu konaniseyi. (Jak. 1:19) Wa gu mu engiseya gwadi, u na tugula esi a si khodwago ni esi si mu girago a khodwa isoso. — Mav. 20:5.
5. Dzumeleyana naye u bwe u mu zundza sa gu kodzega. Uye adzina a ngu khodwa gu khuye esi a hevbulago tshetsheni gwaye lisine. Zama gu ganeya khu silo mu dzumeleyanago naso mwavavili, khavbovbo u mu phasa vbadugwana-vbadugwana gu pwisisa esi Bhibhiliya yi hevbudzago.
WONA GAMBE
Mav. 25:15; 2 Thim. 2:23-26; 1 Ped. 3:15
