UEENA JE UANDONTSKUARHENI
JORHENGUARHIKUA 5
Pʼímukukuarhi je
Tekstu: “Jatsiskajtsï para méntkisï sési uandani” (Kol. 4:6).
Ambe enga úpka Pablu
1. Exe je BIDEUNI o arhinta je Úkuecha 17:22, 23. Tátsekua exea je arini kurhamarhikuechani:
-
¿Néna pʼikuarheraspi Pablu enga exepka eska Atenasi iápurisïksï jarhaspka diosï úkateecha? (Exe je Úkuecha 17:16).
-
No no sési pʼikuastaaparini, ¿néna úraspi Pablu ambe engaksï Atenasi anapuecha jakajkuenga para Tata Diosïiri ambe uandontskuarhekuani?
¿Ambejtsïni jorhendasïni Pablueri ejemplu?
2. Jamberijtsïni kʼuiripuecha sánderu kurhajchaati engachi sési eratsentaaka ambe engachi arhiauaka, néna engachi arhiauaka ka káni engachi arhiauaka.
Májkueni ú je eska Pablu
3. Sési erakua je chaari uandakuechani. Pori ejemplu, engachi uandontskuarheni jauaka nemani jingoni enga no kristianueuaka, jamberijtsï máteru uandakuechani úrauaka engajtsï Bibliani arhikuekani jauaka o engajtsï Jesúsini arhikuekani jauaka.
4. Asï jirejiresï arhi je kʼuiripuni eska no sési jarhaska ambe enga uandaka. Jurajku je kʼuiripuni eska uandaaka ambe enga eratsejka. Ka enga kʼuiripu uandaaka ambe ma enga no terukuntaaka Biblia jingoni, asï arhi je eska no sési jarhaska (Sant. 1:19). Engajtsï jingontku kurhajchaska, uaakajtsï kurhanguni ambe enga jakajkujka ka andisï indeni ambe jakajkujki (Prov. 20:5).
5. Méntkisï engajtsï uaaka, arhi je eska sési jarhaska ambe enga uandaaka ka felisitari je. Miá je eska kʼuiripu mintsita jingoni jakajkusïnga ambe enga imeecheri relijioni jorhentpijka. Ísï jimbo, orheta jirinha je ambe engajtsï tsimarhani terukutantajka ka tátsekua sánhani arhi je kurhangutarani ambe enga Biblia jorhentpijka.
ÍSTU ARHINTA JE
Prov. 25:15; 2 Tim. 2:23-26; 1 Ped. 3:15
