KAMATAGA O SE SAU‵TALAGA
MATAUPU 5
Ke Poto
Fakatakitakiga: “Ke fai faeloa otou pati ke ‵tagi ‵lei.”—Ko. 4:6.
Mea ne Fai ne Paulo
1. Onoono ki te VITIO, io me faitau te Galuega 17:22, 23. Kae mafaufau ki fesili konei mai lalo:
-
a. Ne a lagonaga o Paulo ki faifaiga ne lavea ne ia e fai ne lotu ‵se i Atenai?—Onoono ki te Galuega 17:16.
-
e. I lō te taku tonu atu a te ‵se o tino Atenai, ne fakaaoga pefea ne Paulo mo te poto a mea e tali‵tonu latou ki ei ke folafola atu ei te tala ‵lei?
Se a te Mea e Tauloto ne Tatou Mai i a Paulo?
2. E faigofie ke fia fakalogo‵logo mai a tino ki a tatou māfai e filifili faka‵lei ne tatou a pati e ‵tau o fai, te auala mo te taimi tonu ke fai atu ei.
Fakaakoako ki a Paulo
3. Filifili a pati ‵tagi gali. Pela me se fakaakoakoga, kafai e fai‵pati atu tatou ki se tino telā e sē se Kelisiano, e manakogina ke fakamafuli te auala e faipati ei koe ki te Tusi Tapu io me ki a Iesu.
4. Ke mo a ma oso vave o faka‵tonu a manatu o te tino. Tuku te avanoaga ke fakaasi mai ne ia ana manatu. Kafai e fakaasi mai ne ia se mea telā e fepaki mo akoakoga i te Tusi Tapu, ke mo a ma kinau atu. (Iako. 1:19) Te fakalogologo faka‵lei atu ki te tino, ka fesoasoani atu ke iloa ne koe a mea e talitonu a ia ki ei.—Faata. 20:5.
5. Ke fakaasi atu te lotomalie ki ana fakamatalaga kae fakamālō atu. Kāti e talitonu katoatoa a ia me ‵tonu a akoakoga a tena lotu. Ke kamata o faipati ki mea kolā e talitonu tasi koulua ki ei, mai tua ko fesoasoani mālie atu koe ke malamalama a ia i akoakoga tonu mai i te Tusi Tapu.