ЧУГААНЫ ЭГЕЛЕҢЕР
КИЧЭЭЛ 5
Эвилең-ээлдек чорук
Библейжи дүрүм: «Чугааңар үргүлчү... чечен-мерген болзун» (Кол. 4:6).
Павел чүнү кылып турган?
1. ВИДЕОНУ көрүңер азы Ажыл-чорудулга 17:22, 23 номчуптуңар. Дараазында айтырыгларның дугайында боданыңар:
-
а) Павел Афиныда хөй дүрзү-бурганнарны көргеш, чүү миннип турган? (Көрүңер: Ажыл-чорудулга 17:16.)
-
б) Павел Афины чурттакчыларынга өөрүшкүлүг медээни чугаалап тургаш, эвилең-ээлдек чорукту канчаар илереткен?
Павелден чүнү өөренип алыр бис?
2. Кажан, чүнү, канчаар чугаалаарывысты эки боданып алыр болзувусса, ол кижи бисти күзелдии-биле дыңнаар.
Павелди өттүнүңер
3. Таарымчалыг сөстерни ажыглаңар. Чижээ, христиан чүдүлгени билбес кижиге дорту-биле Библияны азы Иисус Христосту чугаалавас болза эки.
4. Кижилерни эдеринче далашпаңар. Ол кижиге сеткил-сагыжын үндүр чугаалаар арганы бериңер. Ооң сөстери Библияга дүүшпес болза, чеже-даа удур харыылаксап турар болзуңарза, ооң-биле маргышкан херээ чок (Иак. 1:19). Кичээнгейлиг дыңнаар болзуңарза, ол кижиниң чүү чүвеге база чүү дээш бүзүреп турарын билип алыр силер (У. ч. 20:5).
5. Болдунар-ла болза, ол-кижи-биле чөпшээрежип, ону мактаңар. Улус колдуунда бодунуң үзел-бодалынга бүзүрээр. Көрүжүңерниң дөмей чүүлүн тодарадып алыңар, оон ол кижиге Библияны билип алырынга дузалажыңар.
