JACHA AWAʼIYEJ
LECCIÓN 5
Tsajtaya te akʼope
Texto: «Spisilukme-ora ayuk yutsil te bitʼil ya xkʼopojexe» (Col. 4:6).
Te bin la spas te Pablo
1. Ilawil te VIDEO, o kʼopona Hechos 17:22, 23. Ta patil nopa awaʼiy te jojkʼoyeletik:
-
¿Bin yaʼiyel la yaʼiy sba te Pablo kʼalal la yil te nojel ta lotil diosetik te Atenas? (Kʼopona Hechos 17:16).
-
¿Bin-utʼil la stsajtay te bin la yal te Pablo te kʼalal la scholbey skʼop Dios te machʼatik ayik ta Atenas?
¿Bin ya yakʼ jnoptik te bin la spas te Pablo?
2. Yaniwan schʼam yaʼiyik teme ya jtsatik ta lek te bin ya kaltik, bin-utʼil ya kaltik sok bin-ora ya kaltik.
Nopbeya stalel te Pablo
3. Tsaa te kʼopetik ya atuuntes. Jich bitʼil teme ya ata te machʼa ma schʼuun te Jesús, yaniwan ajeltay te bin-utʼil ya abiilintes te Jesús o te Biblia.
4. Mame orauk xa atojobtes. Mame xa amak ta kʼop te kʼalal ya schol te bin schʼuunoje. Teme ay bin ya yal te ma jichuk ay ta Biblia, mame orauk xa awalbey te chʼayeme (Sant. 1:19). Teme ya achʼam awaʼiy ta lek te bin ya yale, ya xkʼot ta awoʼtan te bin schʼuunoj sok bin yuʼun te jich schʼuunoje (Prov. 20:5).
5. Kʼalal snujpʼ ya awile, utsilkʼoptaya yuʼun te bin ya yale. Juluk ta awoʼtan te skuyoj te yuʼun-nix smelelil-a te bin schʼuunoj. Nail lea junuk te bin pajal achʼuunoj sok, ta patil koltaya yuʼun kʼunkʼun ya xkʼot ta yoʼtan te bin ya yakʼ ta nopel te Biblia.
JAʼNIX JICH KʼOPONA
Prov. 25:15; 2 Tim. 2:23-26; 1 Ped. 3:15
