KʼUXI XUʼ XALIKES ALOʼIL
XCHANOBIL 5
Ichʼvanan ta mukʼ
Beiltasel ta Vivlia: «Skotoluk me ora oyuk lek smuil li akʼopojelike» (Kol. 4:6).
¿Kʼuxi laj yakʼ ta ilel li Pabloe?
1. Kʼelo li VIDEOE o kʼelo Echos 17:22 xchiʼuk 23. Laje, nopbo skʼoplal liʼe:
-
¿Kʼu yelan laj yaʼi sba Pablo kʼalal laj yil ti noj ta santoetik li Atenase? (Kʼelo Echos 17:16).
-
¿Kʼuxi laj yakʼ ta ilel Pablo ti laj yichʼ ta mukʼ li jnaklejetik ta Atenas kʼalal la xcholbe mantale?
¿Kʼusi chakʼ jchantik li kʼusi la spas Pabloe?
2. Xuʼ me mas tskʼan chchikintabutik li krixchanoetik mi ta jnoptik lek kʼusi chkalbetik, kʼu yelan chkalbetik xchiʼuk ti jtʼujbetik lek yoraile.
Paso li kʼusi la spas Pabloe
3. Nopo lek li kʼusi chavale. Jech kʼuchaʼal liʼe, mi muʼyuk xchʼunoj ta sventa Vivlia o Kristo li buchʼu chachiʼin ta loʼile, skʼan van xajel ti kʼu yelan chavalbe skʼoplal li Vivlia o li Jesuse.
4. Mu ta aniluk xavalbe ti chopol li kʼusi chale. Akʼo yal kʼusi tsnop li buchʼu chachiʼin ta loʼile, mu xamakbe ta be sloʼil. Mi oy kʼusi laj yal ti muʼyuk jech chal Vivliae, mu xavalbe ti muʼyuk leke (Sant. 1:19). Mi la achikinta xa ox li kʼusi chale, te chavakʼ venta kʼusi xchʼunoj xchiʼuk ti kʼu yuʼun jech xchʼunoje (Prov. 20:5).
5. Ti bu kʼalal sta-o chavile, albo ti oy srasone xchiʼuk kʼupil kʼoptao. Teuk ta ajol ti xuʼ van tsnop ti jaʼ melel li kʼusi xchʼunoje. Mi oy kʼusi xchʼunoj ti xkoʼolaj kʼuchaʼal jchʼunojtike, jaʼ baʼyel xavalbe skʼoplal. Vaʼun, xuʼ xa ta kʼunkʼun xavakʼbe yil li kʼusi chakʼ ta chanel Vivliae.
