POKU FETIKA OMBANGULO
OCIPAMA 5
Lekisa Utate
Ocisonehua: “Olonjanja viosi olondaka viene vi kale viumbombe.”—Va Kol. 4:6.
Ceci Paulu a Linga
1. Tala OVIDEO, ale tanga Ovilinga 17:22, 23. Noke tambulula apulilo a kuãimo:
-
Paulu wa liyeva ndati eci a mola ovilinga vietavo liesanda vo Atenai?—Tala Ovilinga 17:16.
-
Paulu wa lekisa ndati utate poku kunamisila ombangulo yaye kalongiso a va Atenai oco a va longise olondaka viwa okuti ka pisa alongiso avo?
Nye tu Lilongisila ku Paulu?
2. Omanu va pondola oku tu yevelela nda tu nõla lutate ovina tu popia, ndomo tu vi popia kuenda epuluvi tu popia.
Setukula Paulu
3. Nõla olondaka vi vetiya. Ndeci, poku vangula lomunu umue okuti ka tiamẽla ketavo Liakristão, pamue ove o sukila oku pongolola onjila ndomo o tiamisila ombangulo Kembimbiliya, ale ku Yesu.
4. Ku ka yayuleko oku pengulula ocisimĩlo comunu. Ecelela okuti eye o situlula lelianjo ovisimĩlo viaye. Nda eye o popia ovina ka vi likuata lalongiso Embimbiliya, yuvula oku lihoyisa laye. (Tia. 1:19) Poku u yevelela, ove o ka kũlĩha ovina eye a tava kuenda esunga lieci a tavela kovina viaco.—Olosap. 20:5.
5. Tava kuenda pandiya omunu olonjanja viosi cecelela. Eye pamue o tava lutima wosi okuti, alongiso etavo liaye a suapo. Tete, seteka oku vangula cimue vu tava kavali kene, kuenje kamue kamue, u kuatisa oku kuata elomboloko lieci Embimbiliya li longisa.
