A VWỌ TON OTAẸTAKUẸGBE PHIYỌ
UYONO 5
Ta Ota vẹ Ọghọ
Odjekẹ ri Baibol: “E jẹ eta rẹ ovwan dia vwevwerhen ọkieje.”—Kọl 4:6.
Obo ri Pọl Ruru
Ni IVIDIO na, yẹrẹ se Iruo rẹ Iyinkọn Na 17:22, 23, rere ovwan ta ota kpahen enọ ri nenire:
-
Mavọ yen oma ru Pọl kpahen irueru rẹ edjọẹgọ rọ mrẹre vwẹ Atẹns?—Ni Iruo rẹ Iyinkọn Na 17:16.
-
Ukperẹ o vwo brorhiẹn hwe ihwo rẹ Atẹns, mavọ yen Pọl vwọ reyọ oborẹ ayen segbuyota vwo ghwoghwo iyẹnrẹn esiri na kẹ ayen vẹ ọghọ?
Die Yen Avwanre Yono Mie Pọl?
2. Ihwo se vwo owenvwe rẹ ayen vwọ kerhọ rẹ avwanre siẹrẹ a da nabọ jomaotọ kpahen eta ra ta, oborẹ a ta ayen wan vẹ ọke ra vwọ ta ayen.
Vwẹrokere Pọl
3. Nabọ sane eta wẹn. Kerẹ udje, ọke wo de nene ohwo rọ dia Onenikristi-i ta ota, wọ sa vwẹ ona djisẹ ri Jesu kẹ yẹrẹ nene ta ota kpahen Baibol na.
4. Wo brokpakpa kpọ ohwo na viẹ-ẹ. Vwẹ uphẹn kẹ rọ vwọ ta obo rehẹ ẹwẹn rọyen. Ọ da ta eta re vwọso iyono ri Baibol na, wo nene phraphro-o. (Jem 1:19) Wọ da kerhọ rọyen, kẹ wo che vughe obo ro segbuyota vẹ oboresorọ.—Isẹ 20:5.
5. Obo rọ tare da gba, rhọnvwephiyọ wọ je kpẹvwẹ. O se vwo imuẹro nẹ oborẹ ẹga rọyen segbuyota yen gbare. Ọtiọyena, gba ka ta ota kpahen oborẹ wẹ vẹ ọyen rhọnvwephiyọ, wọ me jowọ ememerha vwọ chọn uko vwo vwo ẹruọ oborẹ Baibol na yonori.
JI NI
Isẹ 25:15; 2Ti 2:23-26; 1Pi 3:15
