WHEN YOU DE START DISCUSSION
LESSON 5
Use Sense
Advice: “Make the things wey una de talk de always sweet.”—Col. 4:6.
The Thing Wey Paul Do
1. Watch the VIDEO, or read Acts 17:22, 23. Then think about this questions:
-
How Paul feel about the things wey e see people de do for Athens for lie-lie religion?—Check Acts 17:16.
-
Instead of Paul to condemn the people of Athens, how Paul use sense to preach the good news to them as e use the things wey them believe?
Wetin We Learn From Paul?
2. People fit really want listen to us if we sofri choose wetin to talk, how to talk-am, and when to talk-am.
Copy Paul
3. Choose words wey them go like. For example, when you de talk with person wey no know about the things wey Christians de teach for Bible, you fit need to change the way you want start to talk about Bible or wetin you de call Jesus.
4. No de quick correct person. Allow the person to dey free to talk how e de feel. If e talk something wey no agree with wetin Bible de teach, no argue with-am. (Jas. 1:19) When you listen to the person, you go know wetin e believe and why e believe-am.—Prov. 20:5.
5. Make you agree with the person and thank-am if e dey possible. The person fit really dey sure say the things wey e believe dey correct. Make you first talk about something wey two of una agree with and then small-small help the person understand wetin Bible de teach.
STILL CHECK
Prov. 25:15; 2 Tim. 2:23-26; 1 Pet. 3:15
