Olotta Mwa Nttittimiho

PLAY

Nlakihero: ‘Okathi wootheene moolumo nnyu ekhale ooreera.’—aKol. 4:6.

Etthu Aapanke iye Paaulu

EVIIDIYU: Paaulu Onnaalaleerya Atthu a wAatena

1. Moone EVIIDIYU, aahiidho nsome Miteko 17:22, 23. Nuuvinya mwaakhule makoho anttharelana:

Paaulu oonenle dhai noomala woona dhoolema dha itiini dhawootha dhaapakiwa ni atthu a wAatena?—Mmoone Miteko 17:16.
Paaulu aarumeele dhai olotta mwa nttittimiho vaavo aalaleerya iye ihapari dhooreera atthu a wAatena?

Etthu Ninhudha nhu ni Ntakihero na Paaulu

2. Atthu pooti otthuna oniwiriyana akhala wiira ninoothanlela saana moolumo nhu, moopora woolotta ni okathi ninreerala nhu olotta.

Muntakihe Paaulu

3. Nthanlele saana moolumo nnyu. Mwa ntakihero, vaavo munlotta nnyu ni ntthu mmodha ohineettela etiini ya Ekiristau, woonawene nhaana orukunusa moopora nninromola nnyu Biibiliya ni moopora nnimwiitthana nnyu Yeesu.

4. Nhaakuvele onvanya ntthu. Munhiye ntthu alotte mootaphuwa. Ndho akhala wiira onnilotta etthu envanyiha ele Biibiliya ohudhiha iye, nxake otthuna onyakulihana nuuwo. (Yak. 1:19) Masi akhala wiira nnoonwiriyana, elo enawookhaliherani wiiwasasa saana moonelo-ye.—Mir 20:5.

5. Vakhala wiira onnireerela, mmwaakhulelihe ni munttottopele ntthu owo. Woonawene owo onnikhupali ni nrima wootheene wiira dhoohudhiha dha etiini-ye ti dheekhweeli. Ndho akhala wiira owo onnilotta elo, mweehererye olotta etthu munlikanannyuna. Moottharelana, munkhalihere ntthu owo vakhaani-vakhaani odhuwela ele Biibiliya onhudhiha iye.

NITHO MMOONE

Mir 25:15; 2 Tim. 2:23-26; 1 Ped. 3:15

WAAPHETA ATTHU—ONAWOOKHALIHERANI WAAPAKA AHUDHERI