KUTANDA KUŴECHETANA NI MUNDU
LIJIGANYO 5
Atendeje Yindu Mwakusamala
Lilemba: “Ndaŵi syosope maloŵe genu gaŵeje gambone.”—Akolo. 4:6.
Yaŵatesile Paulo
1. Alolele FIDIYO, kapena aŵalanje Masengo 17:22, 23. Kaneko ajanje yiwusyo ayi:
-
Ana Paulo jwapikene uli paŵayiweni kuti ŵandu ŵa ku Atene akulambila milungu ja unami?—Alole Masengo 17:16.
-
Mmalo mwakwajamuka ŵandu ŵa ku Atene, ana Paulo jwakamulichisye masengo chamtuli yindu yaŵakulupililaga jemanjaji kuti akombole kwalalichila ngani syambone?
Ana Yaŵatesile Paulo Yikutujiganya Chichi?
2. Ŵandu mpaka apikanile chenene utenga wetu naga tukusagula chenene yindu yakuti twasalile soni naga tukuyisala pandaŵi jambone soni m’litala lyakuŵajilwa.
Amsyasyeje Paulo
3. Aŵecheteje mwakusamala. Mwachisyasyo, pakuŵechetana ni mundu jwele nganaŵa mu dini ja Chiklistu, mpaka asosekwe kuchenga yakusatenda pakusaka kusala ya Baibulo kapena yakwamba Yesu.
4. Akajanguyaga kumsisya. Ampeje ndaŵi jakwanila jakuti asaleje nganisyo syakwe. Naga aŵechete yindu yakulekangana ni yajikusajiganya Baibulo, akamsisyaga. (Yak. 1:19) Naga akumpikanila, chachimanyilila yindu yakusakulupilila soni ligongo lyakwe akusakulupilila yeleyo.—Mis. 20:5.
5. Naga yakomboleka akamulaneje ni nganisyo syakwe soni amyamichile. Jwalakwe mpaka akulupilileje kuti yajikusajiganya dini jakwe yili yisyesyene. Myoyo atandisyeje ngani jakuti jwalakwejo mpaka akamulane najo mwangasawusya. Kaneko mwapanandipanandi amkamuchisyeje kuti apikanichisye yajikusajiganya Baibulo.
ALOLESONI
Mis. 25:15; 2 Tim. 2:23-26; 1 Pet. 3:15
