TONA DISOLO
DILONGI 5
Tubila mu diela
Tsikudukusu: “Bika mambu meno lueti tuba mabanga kaka mambu ma wedi nlemvo.”—Kol. 4:6.
Diambu mbi Polo kavanga
1. Tala VIDEO, voti tanga Mavanga 17:22, 23. Ayi tadileno biuvu biabi bilandikini:
-
Bue Polo kamuena zitsambudulu zimbimbi zio kamona ku Atene?—Tala Mavanga 17:16.
-
Va buangu ki fuemina basi Atene, bue polo kasadila mu diela mambu momo beba wilukilanga maba banga phila yi kubasamunina nsamu mboti?
Dilongi mbi tubeki kuidi Polo?
2. Batu beta yangalala kutuwa enati tulembo sobula mu phila yimboti mambu mo tukubakamba, bue ayi thangu mbi yikubakambila mawu.
Sokudila Polo
3. Sobula ziphova zi kitoko. Mu kifuani, mu thangu tulembo solula ayi mutu nio kasi ko mukristu, tulenda ba na phuila yi bongisa phil’eto yi tonina disolo di Bibila ayi phil’eto yo tueta tadila Yesu va ntual’andi.
4. Kadi fika banga kifu ki kolusa mutu. Wum’biki katuba mu kiphuanza kioso. Enati tonini tuba ndambu mambu mo masi ko nguizani ayi momo Bibila kieta tuba, kadi tomba kuntudisa ziphaka. (Zk. 1:19) Mu kunwa, buawu wufueti zabila phila buididi mbueno’andi.—Zin. 20:5.
5. Ba nguizani ayi mutu nio wunsamunina ayi wunniemisa enati bufueni. Kalenda kikinina ti mambu keta wilukila mu dibundu diandi madi makiedika. Diawu tomba theti luwizana ayi mutu beni, ayi wunsadisa kasudika malembi malembi mambu mo Bibila kieta longa.
