KÁAJS A TSIKBAL
XOOK 5
Kanáant bix a tʼaan
Le Bibliaoʼ ku yaʼalik: «Tʼaanakeʼex mantatsʼ yéetel utsil bey a kiʼikuntmeʼex a tʼaaneʼex yéetel taʼabeʼ» (Col. 4:6).
¿Bix tu beetil Pablo?
1. Chaʼant le VIDEOOʼ, wa xok Hechos 17:22, 23. Tsʼoʼoleʼ ka tuukul tiʼ le kʼáatchiʼobaʼ:
-
1) ¿Bix tu yuʼubiluba Pablo le ka tu yilaj chuup u kaajil Atenas yéetel imagenoʼob? (Ilawil Hechos 17:16).
-
2) Le ka kʼaʼaytajnaj Pablo tiʼ u kajnáaliloʼob Atenaseʼ, ¿baʼaxten jeʼel u páajtal k-aʼalik tu kanáantaj bix úuchik u tʼaaneʼ?
¿Baʼax k-kanik tiʼ Pablo?
2. Maʼ xaaneʼ maas jeʼel k-uʼuyaʼal wa k-kanáantik baʼax ken k-aʼaleʼ, bix ken k-aʼalil yéetel baʼax súutukil ken k-aʼale.
Beet jeʼex Pabloeʼ
3. Kanáant baʼax ken a waʼale. Por ejemploeʼ wa ka tsikbal yéetel juntúul máak ku creertik Jesúseʼ Dios, yéetel ku creertik le imagenoʼoboʼ jach unaj a kanáantik baʼax ken a waʼale.
4. Maʼ a jáan utskíintik baʼax tu yaʼalaj. Chaʼa u yaʼalik baʼax ku tuklik. Le kéen u yaʼal wa baʼax maʼ bey u kaʼansik le Bibliaoʼ maʼ a jáan aʼaliktiʼ wa maʼ jaajiʼ (Sant. 1:19). Wa ka chʼenxikintikeʼ yaan a naʼatik baʼaxoʼob ku creertik yéetel baʼaxten bey u tuukuloʼ (Pro. 20:5).
5. Ilawil tiʼ baʼax de acuerdoech tu yéetel wa kaxt baʼax oʼolal a felicitartik. Kʼaʼajaktecheʼ utiaʼal letiʼeʼ jach jaaj le baʼax ku creerkoʼ. Ilawil a tsikbal tiʼ junpʼéel baʼal de acuerdoʼex tu kaʼatúulileʼex. Tsʼoʼoleʼ jujunpʼíitileʼ áant u naʼat baʼax ku kaʼansik le Bibliaoʼ.
