BƆ NƐ O MAA JE NÍ SƐƐMI SISI HA
NÍ KASEMI 6
Koo Ye Nihi A Hɛ Mi Gbeye
Sisi Tomi Mlaa: “Wa pee kã kɛ gu wa Mawu ɔ nɔ, nɛ wa de nyɛ Mawu he sane kpakpa a.”—1 Tɛs. 2:2.
Nɔ́ Nɛ Yesu Pee
1. Moo hyɛ VIDEO ɔ, aloo moo kane Luka 19:1-7. Lɔ ɔ se ɔ, mo susu sane bimihi nɛ nyɛɛ se ɔmɛ a he:
Mɛni Wa Kaseɔ Ngɛ Yesu Nɔ Hyɛmi Nɔ́ Nɛ ɔ Mi?
2. Wa hia kã bɔ nɛ pee nɛ wa nyɛ nɛ waa fiɛɛ Matsɛ Yemi ɔ he sane kpakpa a kɛ ha nɔ fɛɛ nɔ.
Moo Kase Yesu
3. Moo ngɔ o hɛ kɛ fɔ Yehowa nɔ. Mawu mumi ɔ wo Yesu he wami nɛ e fiɛɛ, nɛ e ngɛ heii kaa e maa wo mo hu he wami konɛ o nyɛ nɛ o fiɛɛ. (Mat. 10:19, 20; Luka 4:18) Mo bi Yehowa nɛ e ye bua mo konɛ o nyɛ nɛ o fiɛɛ ha nihi nɛ eko ɔ, a maa pee níhi kɛ wo o he gbeye ɔ.—Ní Tsumi 4:29.
4. Koo kojo nihi. Eko ɔ, wa maa ye gbeye wawɛɛ kaa waa kɛ nihi maa sɛɛ ní ngɛ bɔ nɛ a he womi nɔ su ngɛ ha, he nɛ a je, sika nɛ a ngɛ, a su, loo ngɛ níhi nɛ a heɔ yeɔ ɔ he je. Se mo kai kaa:
5. Koo ye nihi a hɛ mi gbeye, se kɛ̃ ɔ, moo hyɛ saminya nɛ o bu mɛ. (Mat. 10:16) O kɛ nihi ko sã nya. Ke nɔ ɔ sume nɛ e bu sane kpakpa a tue aloo o nu he kaa o be slɔkee ɔ, moo je he si bami mi nɛ o po ní sɛɛmi ɔ nɔ.—Abɛ 17:14.
