STATEM WAN STORIAN
LESEN 6
No Fraet Blong Prij
Stamba Trutok: “God i mekem mifala i no fraet blong mifala i kam talemaot gud nius blong hem long yufala.”—1 Tes. 2:2, fut.
?Jisas i Mekem Wanem?
1. Wajem VIDEO, o ridim Luk 19:1-7. Biaen askem ol kwestin ya:
?Yumi Lanem Wanem Long Eksampol Blong Jisas?
2. Yumi no mas fraet blong talemaot mesej blong Kingdom long eni man.
Folem Eksampol Blong Jisas
3. Dipen long Jehova. God i givim paoa long Jisas blong i prij, mo hem i save givim paoa long yu tu. (Mat. 10:19, 20; Luk 4:18) Askem Jehova blong i halpem yu blong yu save prij long ol man we yu fraet blong toktok long olgeta.—Wok 4:29.
4. No jajem ol man. Samtaem yumi fraet blong toktok long ol man taem yumi luk fes mo bodi blong olgeta, yumi luk se oli rij o oli pua, o taem yumi tingbaot bilif blong olgeta. Be long taem olsem, i gud blong tingbaot se:
-
Yumi no olsem Jehova mo Jisas we oli save luk samting we i stap long hat blong ol man.
-
Yumi no mas gat tingting ya se Jehova i no save givhan long ol man olsem.
5. No fraet blong prij, be lukaot gud mo toktok wetem respek. (Mat. 10:16) No agiu wetem man. Long kaen fasin, stopem storian sipos man i no wantem lesin long gud nius o yu harem se yu no sef.—Prov. 17:14.