TACHAPAʼ TZIJ
NAʼOJ 6
Ma taxiʼij ta awiʼ yatzjon
Ri nuʼij le Biblia: «Ri qa-Dios xqrtoʼ rchë ma xqaxiʼij ta qiʼ xqatzjoj ri utziläj taq rutzjol» (1 Tes. 2:2).
Ri xuʼän Jesús
1. Tatzʼetaʼ ri VIDEO o taskʼij ruwäch Lucas 19:1-7. Chrij riʼ, taquʼ kij re kʼutunïk reʼ:
¿Achkë nqatamaj qa chrij Jesús?
2. Rchë nqatzjoj le Biblia che rä xa bʼa achkë winäq, nkʼatzin ma nqaxiʼij ta qiʼ.
Takʼamaʼ anaʼoj chrij Jesús
3. Takʼuqbʼaʼ akʼuʼx chrij Jehová. Yë Dios xtoʼö Jesús rchë xtzjoj Ruchʼaʼäl, y ke riʼ chqä xtuʼän qkʼë röj (Mat. 10:19, 20; Luc. 4:18). Rma riʼ, taʼij che rä Jehová chë katurtoʼ rchë ma naxiʼij ta awiʼ yatzjon kikʼë winäq ri rkʼë jbʼaʼ naxiʼij awiʼ chkiwäch (Hech. 4:29).
4. Ma keʼachaʼ ta ri winäq. Kʼo mul kʼayewal nuʼän chqawäch nqtzjon kikʼë jojun winäq xa rma kibʼanik, rma kʼo kirajil, rma tamatäl kiwäch, rma ri rubʼanik kikʼwan kikʼaslemal o rma ri nkinmaj. Ye kʼa ma tamestaj ta reʼ:
5. Ma taxiʼij ta awiʼ ye kʼa kʼo anaʼoj tabʼanaʼ (Mat. 10:16). Ma taqasaj ta ruqʼij ri winäq chqä ma taʼän ta chʼaʼoj rkʼë. We natzʼët chë ri winäq ma nrajoʼ ta yaturkʼoxaj o we nanaʼ chë xa nxiʼin awij, kan pa rubʼeyal takʼsaʼ qa atzij (Prov. 17:14).
