Kanda Wecha Woma Ukukinde Kwambujola

KWAZULULA

Shimbi: “Twapwile ni hamu hanga tunwambulwile sango jipema ja Zambi.”—1 Tesa. 2:2.

Yika Yesu Alingile?

CHINEMA: Yesu Kanambujola Kuli Zakeu

1. Tala CHINEMA, hanji kutanga Luka 19:1-7. Mba nushimutwine yihula yino:

Mumu liaka atu amwe te keshi kulikata ni Zakeu?
Yika yakwashile Yesu kufupa jila ya kumwambulwilamo sango jipema?

Yika Mutuhasa Kulilongesa Hali Yesu?

2. Twatamba kupwa ni hamu mba twambujole sango ja Wanangana chakuhona katonde.

Imbulula Yesu

3. Jikijila muli Yehova. Chizechene ngwe spiritu ya Zambi yahanyine ndundo kuli Yesu hanga ambujole, neyo muyihasa kukukwasa. (Mateu 10:19, 20; Luka 4:18) Eta hamu kuli Yehova hanga uhase kwambujola kuli atu waze wakuvwila woma.—Yili. 4:29.

4. Kanda ulianga kupatwila atu. Ha mashimbu amwe, mutuhasa kwivwa woma wa kwambujola kuli atu amwe mumu lia chize akusoloka, upite uze akwete, mutapu wa mwono wo hanji yuma yize akufuliela. Alioze iwuluka ngwe:

Yehova ni Yesu e wika mahasa kunyingika yize yili mu mbunge ja atu, hi yetu ko.
Atu eswe mahasa kuyuka ha keke ya Yehova.

5. Pwako ni hamu, alioze solola mana ni kukanyama. (Mateu 10:16) Ehuka kulihangujola. Patula lusango nyi wamona ngwe mutu kazangile kwivwa sango jize unamwambulwila hanji muze mwono we muupwa mu ponde.—Yishi. 17:14.

TALA NAWA

Yili. 4:31; Efwe. 6:19, 20; 2 Timo. 1:7

ZANGENU ATU—MBA NWAPWISE TUMBAJ