¿BAJCHEʼ MIʼ MEJLEL A TECH TʼAN?
LECCIÓN 6
Pʌsʌ a chʼejlel
Texto baqui chucul: «Tiʼ coltaya jiñi lon c Dios tsaʼ c taja lon c chʼejlel chaʼan mic subeñetla jiñi wen tʼan» (1 Tes. 2:2).
Tsaʼ bʌ i mele Jesús
1. Qʼuele jiñi VIDEO o pejcan Lucas 19:1-7. Cheʼ jiñi ñaʼtan ili cʼajtiya tac:
¿Chuqui mi laj cʌn tiʼ tojlel Jesús?
2. Yomʌch an lac chʼejlel chaʼan miʼ mejlel lac suben wen tʼan pejtelel lac piʼʌlob.
Lajin Jesús
3. Ñopo chaʼan Jehová mi caj i coltañet. Jiñi i yespíritu Jehová tsiʼ yʌqʼue i chʼejlel Jesús chaʼan miʼ mejlel ti subtʼan, i mucʼʌch i mejlel i yʌqʼueñet jaʼel (Mat. 10:19, 20, Luc. 4:18). Cʼajtiben a chʼejlel Jehová chaʼan miʼ mejlel a pejcan jiñi muʼ bʌ a bʌcʼñañob (Hech. 4:29).
4. Mach a waʼ ñaʼtan mach bʌ weñic tiʼ tojlel juntiquil lac piʼʌl. An i tajol maʼañic mi lac mulan lac lʌcʼtesan lac bʌ tiʼ tojlel juntiquil lac piʼʌl tiʼ caj bajcheʼ yilal i ñiʼ i wut, tiʼ caj pʼumpʼun, tiʼ caj bajcheʼ yilal chumul o tiʼ caj i ñopbal. Pero cʼajtesan:
-
Jehová yicʼot Jesús miʼ qʼuel chuqui añob tiʼ pusicʼal, pero joñonla maʼañic.
-
Tiʼ pejtelel lac piʼʌlob miʼ mejlel i tajbeñob i pʼuntaya Jehová.
5. Yomʌch chʼejlet, pero tsajalet jaʼel (Mat. 10:16). Mach yomic maʼ ñumel ti pʼis i mach a chaʼlen leto. Mi tsaʼ qʼuele chaʼan jiñi woli bʌ a pejcan mach yomic i ñʌchʼtañet o an chuqui miʼ mejlel ti ujtel maʼ qʼuel, ujtesan jach ti wen jiñi a tʼan (Pr. 17:14).
