JƆ̈K Ë JAM CÖÖK
PIÖÖC 6
Riɛl ë Nyin
Wëët ë Baibol: “Ke wo ŋoot ke wo ye week guiëër wëlpiɛth ke Nhialic në ater dït, ke wo ril piɔ̈ɔ̈th [nyïïn] ë riɛl ë Nhialicda.”—1 Theth. 2:2.
Kën ë Cïï Yecu looi
1. Ɣoi BIDEO, awu kuen Luk 19:1-7. Ku jälkë thiëc bɔ̈ jäämiic:
Yeŋö Buk Piɔ̈ɔ̈c Tënë Yecu?
2. Ɣok aa wïc riɛl ë nyin buk wël piɛɛth ke Bääny ë Nhialic lɛ̈k raan ëbën.
Kiɛ̈ɛ̈të Yecu
3. Kän rot Yekoba. Nhialic acï Yecu yiëk riɛl bï kɔc piɔ̈ɔ̈c ku alëu bï yïn yiën riɛl aya. (Math. 10:19, 20; Luk 4:18) Thiëc Yekoba bï yï gäm riɛl ë nyin ba kɔc ye yïn ke riɔ̈ɔ̈c ya piɔ̈ɔ̈c.—Luɔi de Tuuc 4:29.
4. Duk kɔc ye guɔ luɔ̈kwei. Tɛkdäŋ ɣok aa lëu buk riɔ̈ɔ̈c buk jam ke kɔc ë wɛ̈t të ye ɣok ke tiëŋ thïn, ku tën ë bïï keek thïn, ku pïïrden, ku käken yekë ke looi, awu käken yekë ke gam. Ku muk kënë ë yïnɔm:
-
Ɣok aacï lëu buk kë tɔ̈u ë raan puɔ̈u ŋic; ee Yekoba ke Yecu aa keek lëu bïk kë tɔ̈u ë raan puɔ̈u ŋic.
5. Ye jam ke yï nɔŋ athɛ̈ɛ̈k ku riɛl ë nyin ku ye rot tiit. (Math. 10:16) Ye jai ë teer. Thiök jam thok amääth të cïï raan jai bï wël piɛth piŋ awu të ye yïn rot yök ke yï bï lööny ë kërac yic.—Kɛ̈ŋ 17:14.
