TEI MU BIGIN WAN TAKIMAKANDAA
TOLI 6
Ná feele fu peleiki
Beibel e taki: ‘A Gadu fu u gi u deki-ati fu paati a bun nyunsu anga u, winsi fa sama be e feti fu tapu u.’—1 Tes. 2:2.
Fa Yesesi du a sani ya?
1. Luku a FELON, efuso leisi Lukasi 19:1-7. Bakadati luku den akisi ya:
Saw sa leli fu Yesesi?
2. U mu abi deki-ati fu man peleiki gi ala sama.
Du sani enke Yesesi
3. I mu fitoow Yehofa. A santa yeye fu Gadu be poi yeepi Yesesi fu paati a bun nyunsu, a poi yeepi i tu (Mat. 10:19, 20; Luk. 4:18). Te ye feele fu peleiki gi wan sama, i sa akisi Yehofa en santa yeye fu yeepi i fu peleiki gi en.—Toli 4:29.
4. Ya mu kuutu sama. Kande we feele pikinso fu taki anga son sama te u luku a fasi fa den de. Kande ai taanga gi u fu taki anga sama di gudu efuso pooti. Son yuu a so we fii tu te u mu peleiki gi sama di e go a keliki kaba. Ma wa mu feegete den sani ya:
5. I mu abi deki-ati, ma i mu tan soi lesipeki gi a sama. I mu konikoni tu (Mat. 10:16). Ya mu hali taki anga a sama. Efii si taki a sama á wani aliki, i mu tapu a takimakandaa a wan switifasi. Efu ye fii enke a sama wani du ogii anga i, suku wan fasi fu waka gwe.—Odo 17:14.
LUKU DEN TEKISI YA TU
Toli 4:31; Efe. 6:19, 20; 2 Tim. 1:7
