NE̱NI BOTEA EKWALI
BELĒDI 6
Bokenju
Bete̱sedi: “Di ta te̱ nde bokenju ońola Loba lasu o langwea bińo̱ myango ma bwam.”—1 Tes. 2:2.
Nje Yesu a bolino̱
1. Ombwa SINIMA, to̱so̱ langa Lukas 19:1-7. Denge̱ o madutea ońola myuedi mi mabupe̱:
Nje di mokwano̱ na Yesu e?
2. E mapula biso̱ bokenju o langwa myango ma bwam ma Janea esibe̱ ndando.
Embilane̱ Yesu
3. Se̱me̱ye̱ na Yehova. Mudī ma Loba mu boli Yesu ngińa o te̱ dikalo, mwe pe̱ ná mu bola wa ngińa. (Mat. 10:19, 20; Lukas 4:18) Kane̱ Yehova ná a bole wa bokenju o te̱ye̱ ba bena ba mabwese̱ wa bo̱ngo̱ dikalo.—Bebolo 4:29.
4. O si langa bato ndando. Ponda iwo̱ je ná di kiṅakiṅane̱ o te̱ye̱ pat’a bato iwo̱ dikalo ońola je̱ne̱ne̱ labu, edub’abu, mabe̱ne̱ mabu, pat’a longe̱ ba be̱nno̱, to̱ dube̱ labu. Nde di si dimbea ná:
5. Be̱ bokenju nde o be̱ pe̱ ye̱ne̱ na bwanganga. (Mat. 10:16) Samba musunga ma madoi. We̱le̱ su o ekwali n’edube yete̱na moto weno̱ o kwalisane̱ a si mapula senga myango ma bwam, to̱ ke̱ o me̱ne̱ ná o titi mbo̱le̱.—Min. 17:14.
