BARO DAMINƐTƆ NI MƆGƆW YE
KALANSEN 6
Kana siran ka seereya kɛ
Sariyakolo: “An ye jagwɛlɛya sɔrɔ Ala fɛ, k’an ka Ala ka kibaru diman fɔ aw ye.”—1 Tes. 2:2.
Yezu y’a kɛ cogo min na
1. VIDEWO filɛ wala Luka 19:1-7 kalan. O kɔ, ɲiningali nunu jaabi:
An be kalan min sɔrɔ Yezu fɛ
2. An mako be jagwɛlɛya la ka se ka Masaya kibaro diiman fɔ mɔgɔ bɛɛ ye.
Yezu ladegi
3. I jigi la Jehova kan. Yezu ye waajuli kɛ ni jagwɛlɛya ye Jehova ka hakili senu barika la. Jehova be se k’a ka hakili senu di ele fana ma (Mat. 10:19, 20; Luka 4:18). Jehova deli a k’i dɛmɛ i ka se ka mɔgɔ bɛɛ waaju, hali minw yɛrɛ be siranya bila i la.—Kɛw. 4:29.
4. Kana kɛ ni miiriya bɛnbali ye mɔgɔw koo la. An be se ka siran ka gwɛrɛ mɔgɔ dɔ la a tigi sawura, a lɔyɔrɔ, a ka ɲɛnamaya kɛcogo wala a ka lannakow kosɔn. Nka kana ɲinɛ ko:
5. Kana siran, nka koow kɛ ni bonya ye ani i yɛrɛ kɔrɔsi (Mat. 10:16). Kana sɔsɔli kɛ ni mɔgɔw ye. N’i y’a ye ko mɔgɔ dɔ t’a fɛ ka kibaro diiman lamɛn wala ko i latanganin tɛ, baro lalɔ ni bonya ye.—Talenw 17:14.
