KOUMANSÉ AN TI-KOZÉ
LISON 6
Palé épi kouraj
Prensip : « Bondié-nou an ba nou kouraj pou anonsé zòt bon nouvèl-la » (1 Tés. 2:2).
Ki manniè Jézi té ka fè ?
1. Gadé VIDÉWO-a ouben li Lik 19:1-7. Apré, katjilé anlè sé kèsion-tala :
Kisa lègzanp Jézi ka aprann nou ?
2. Fòk nou ni kouraj pou préché mésaj Wayòm-lan san fè préférans.
Pou fè kon Jézi…
3. Apiyé anlè Jéova. Lèspri sen ba Jézi lafòs, é i ké ba’w lafòs tou (Mat. 10:19, 20 ; Lik 4:18). Mandé Jéova ba’w kouraj préché ba tout moun, menm ba sé moun-lan ki ka fè’w pè (Akt 4:29).
4. Pa jijé moun-lan avan konnèt li. Délè, sa ki pé blotjé’w, sé aspé moun-lan, travay-la i ka fè a, manniè-a i ka viv la, oben rèlijion’y lan. Men toujou sonjé :
5. Fòk ni kouraj, men osi pran prékosion épi palé épi rèspé (Mat. 10:16). Pa fè kankan. Si moun-lan pa lé kouté ouben ka lévé-faché, sispann ti-kozé a men fè’y épi dousè (Pwo. 17:14).
