BLITA KÖMIKE
Luc. 19:1-7
KUKWE JA TÖTIKARA 6
Kä jürä ganainne
Kukwe Bibliabätä ja jie ngwankäre: “Nunkwe ja brukwä mikaba bete ñakare Ngöböbiti käkwe blitaba munbe kukwe käin Ngöbökwebätä” (1 Tes. 2:2, NGT).
Jesukwe nuainbare ño
1. VIDEO mike ñärärä o ñäke Lucas 19:1-7 yebätä. Biti kukwe ngwantarita nebätä töbiketari:
Jesús kukwe kwin bämikani, ¿ye tä dre driere nie?
2. Ni rabadre kä jürä ganainne kukwe metre driekäre ni jökrä ie.
Ja ngwen Jesús erere
3. Tö ngwen Jehovai. Üai deme Jehovakwe ye käkwe Jesús dimikani kukwe driere, ye erere arato raba ja di bien mäi kukwe driekäre (Mat. 10:19, 20; Luc. 4:18). Ja di kärere Jehovai kä jürä ganainkäre aune blitakäre nitre jüräta nemen mäbätä ye ben (Hech. 4:29).
4. Ñaka ni kitate. Ni bä ño, ngwian bökäne, nüne ño aune tä kukwe ño mike täte yebätä ñan tä nemen nuäre ni kräke blitakäre ben. Akwa ne ngwen törö jai:
5. Ja ngwen dite aune töbätä arato (Mat. 10:16). Nitre mike ütiäte jai aune ñan ñäke ben jai. Ni iti ñaka tö rabadre mä kukwe nuai o ja ñan rabadre ruin jäme mäi ngwane, mäkwe blita mikadre krüte töi kwinbiti (Prov. 17:14).
NE MIKE ÑÄRÄRÄ ARATO
Hech. 4:31; Efes. 6:19, 20; 2 Tim. 1:7
