Magpakita sing Kaisog

I-PLAY

Prinsipio: “Nagtipon kami sang kaisog paagi sa aton Dios agod masugid sa inyo ang maayong balita.”—1 Tes. 2:2.

Ang Ginhimo ni Jesus

VIDEO: Ginbantalaan ni Jesus si Zaqueo

1. Tan-awa ang VIDEO, ukon basaha ang Lucas 19:1-7. Dayon binagbinaga ang masunod nga mga pamangkot:

Ngaa ayhan ginlikawan sang pila ka tawo si Zaqueo?
Pero ano ang nagpahulag kay Jesus nga sugiran sia sang maayong balita?

Ano ang Matun-an Naton kay Jesus?

2. Kinahanglan naton ang kaisog para mabantala ang mensahe parte sa Ginharian sa tanan.

Iluga si Jesus

3. Magsalig kay Jehova. Ang espiritu sang Dios naghatag sing kaisog kay Jesus para makabantala, kag amo man ini ang makabulig sa imo. (Mat. 10:19, 20; Luc. 4:18) Mangayo kay Jehova sing kaisog para maistorya mo ang mga tawo nga nakulbaan ka sa pag-istorya.—Binu. 4:29.

4. Indi paghukmi ang mga tawo. Mahimo nagaalang-alang kita sa pag-istorya sa iban bangod sa ila hitsura, kahimtangan sa kabuhi, estilo sang pagkabuhi, ukon relihion. Pero dumduma:

Mabasa ni Jehova kag ni Jesus ang tagipusuon, pero kita indi.
Indi kita magpensar nga indi na sila mabuligan ni Jehova.

5. Magpakita sing kaisog, pero mangin matinahuron. (Mat. 10:16) Indi makigbais. Matinahuron nga tapusa ang pag-istoryahanay kon indi gusto mamati sang imo kaistorya sa imo ukon pamatyag mo daw delikado ang sitwasyon.—Hulu. 17:14.

TAN-AWA MAN ANG

Binu. 4:31; Efe. 6:19, 20; 2 Tim. 1:7

ALANGGAA ANG MGA TAWO—TUDLUI SILA