OKUUTA EHUNGI
EHONGWA 6
Okuhinokukara nondira
Omurari: “Ndjambi we tu pa [okuhinokukara nondira, NWT] okuzuvarisira eṋe Ombuze ye Ombwa.” —1 Tes. 2:2.
Oviṋa Jesus mbya tjita
1. Tarera OKAVIDIO, poo lesa Lukas 19:1-7. Okuzambo tara komapuriro ngu maye kongorere mba:
Matu rihongere ko ye okuza ku Jesus?
2. Ete katu sokutira ovandu, kutja tu zuvarise ombuze yOuhona kovandu avehe.
Horera ku Jesus
3. Ṱaṱera ku Jehova. Ombepo ya Mukuru ya yandja omasa ku Jesus nga hepa okuzuvarisa, nu wina oyo mai yenene okukuvatera. (Mat. 10:19, 20; Luk. 4:18) Ningira Jehova kutja o ha kara nondira okuzuvarisa ku imba mbu mo tira.—Oviung. 4:29.
4. O pangura ovandu. Eṱe mape ya atu keyakeya okuhungira ku novandu tjiva mena rombunikiro yawo, omuano mbu ve hupa kutja ovatumbe poo ovasyona, poo mena rozongamburiro zawo. Posi ya zemburuka kutja:
-
Jehova na Jesus ve tjiwa omitima vyovandu, nungwari eṱe katu yenene okutjita nao.
-
Katu sokumuna kutja omundu kamaa yenene okuvaterwa i Jehova.
5. O tira, posi ya kara nondengero nongengezero. (Mat. 10:16) Nakaura ozombata. Noupore yandisa ehungi indu omundu tje hi nokuvanga okupuratena kombuze ombwa poo tji mo munu kutja ko ri mondjeverero.—Omiano 17:14.
