PANGIGAFU TU PAKIYUVOVUG
LEKSION 6
Masikan nga Nono
Prinsipio: “I Dios mi i namasikan ta nono mi nga nangilayya-gayya nikamu ta Mapia nga Dumug.”—1 Tes. 2:2.
I Kingngua ni Jesus
1. Girawan i VIDEO, onu bibbigan i Lucas 19:1-7. Kabalin na, paguruvovugan i tumunug ira nga pakkiavu:
Anni i Magigiammu Tam Kani Jesus?
2. Kawagattam i sikan na nono tapenu melayyagayya tam ta ngamin i mensahe na Pappatulan.
Parigan si Jesus
3. Mattalo kani Jehova. Nakoffun kani Jesus i espiritu na Dios tapenu mallayyagayya. Moffunan naka gapa na espiritu na Dios. (Mat. 10:19, 20; Luc. 4:18) Ipakimallo mu kani Jehova nga pasikannan na i nono mu nga mallayyagayya ta totolay nga posible nga paganassingammu.—King. 4:29.
4. Ari husgan i totolay. Awayya na nga magalangan ittam nga makibbida ta totolay megafu ta itchura da, estado anna estilo na pattolay da, onu relihiodda. Ngem daddammattam:
-
Mabibbig ni Jehova anna ni Jesus i giffutuan na totolay; ariattam makua yatun.
-
Ariattam nakuan nonopan nga ari mawayya ni Jehova nga uffunan i totolay.
5. Magutu ngem mataktika anna memmugug. (Mat. 10:16) Ari makipporfia. Masippo nga iyemmang i pakiyuvovug ta tolay nga manaki na i magginna ta mapia nga dumug onu nu gitta na delikadu ngana i situasion.—Prov. 17:14.
