Ō GBƆƆ ƆKA Ō KA
ƐLĀ Ō NWU ƆMƐ 6
Mafu Ɔtu Ō Lɛ
Ukɔ́: “Ɔwɔicō lɛ ɔtū tū alɔ ɔtū cɛ̄ lɛ alɔ lɛ ɔna kú ɔ̄kōolɔhi ā nōo ŋmá ɛgiyí nū ā tá lɛ aá.” —1 Utes. 2:2.
Ɔdā Nɛ Ujisɔsi Ya
1. Lɛ UVIDIO nyā mafu, amāŋ jé Ulúku 19:1-7. Cɛɛ a leyi yɛ aɔka nōo ba nyā:
Ɔdi Nɛ Alɔ Nwu Ŋma Ɛgiyi Ujisɔsi A?
2. Alɔ cɛgbá ɔtu ō lɛ o ya ɛɛ ku alɔ tɔɔna lɛyikwu Ajɔɔcɛ a lɛ ɛjɛɛji ācɛ.
Gbla Ujisɔsi Ya
3. Gbolo ce Ujehofa. Alelekwu ihɔ ku Ɔwɔico lɛ ɔfu tu Ujisɔsi iyē kóō tɔɔna, ó kē lɔfu ta uwɔ abɔ gla duu. (Umát. 10:19, 20; Ulúk. 4:18) Da Ujehofa ka ó je ɔtu ō lɛ gā uwɔ o ya ɛɛ ku a tɔɔna lɛ ācɛ nɛ a gē yuufi uwa a.—Ācot. 4:29.
4. A hii kɛpɔ ta ācɛ ŋ. Alɔ lɔfu kwu iyi alɔ bi ŋma ō tɔɔna lɛ ācɛ ōhī ohigbu ō má eyī ku uwa, ɛgɛ néē gbagbenu lɛ, ɔwɛ ō lā oyeeyi ku uwa amāŋ ɔdā néē kpɔtuce. Amáŋ bla ku:
-
Ujehofa mla Ujisɔsi lɔfu ō jé ɔdā nōo yɔ ipu ɔtu ku ācɛ a, alɔ i jé ɔ gla ŋ.
-
Ó lɛ ɔcɛ duuma nɛ Ujehofa i gáā mafu eyinyinyi lɛ ɔ gla ŋ nɛɛ ŋ.
5. Mafu ɔtu ō lɛ ɔwɛ ku ojilima klla leyi kwɛɛcɛ. (Umát. 10:16) A hii taafu ŋ. Lɛ abɔ cɛ ɔka ō ka ɔwɛ ojilima ɔdaŋ ka ɔcɛ a i dɔka ō jahɔ ŋ, amāŋ ɔdaŋ ka ɔtu yɔ i ya uwɔ bɛɛka á lɛ ogbotu ŋ ma.—Aíit. 17:14.