DỌMWỤ NYA ẸLA OYAYA Ụ-ỤGBẸYỊ ỌNYỊỊLA
ANG ỌJẸ́JẸ 6
A Juhi Nyọka Ya Ẹrụ Ọnyịịla Ka
Itiwe nya Ehile: “Olegu ọlẹ ká Ohe Oluhye ya hahị ahị angị myịmyị lẹ, ó ri olegu nya uhi ojuju ka.”—2 Tim. 1:7.
Ang Ọlẹ ká IJisọsị Họ
1. Yẹ IFIM ọwẹ, lee wa iLuku 19:1-7. Ká kụ ẹhị yẹ ịtọ ẹla ileji ịlẹ:
Ẹlịyẹ Ahị Tị́ Jẹ́ Bwu Ẹga nya IJisọsị?
2. Ahị baba nyọka ya ẹrụ ọnyịịla nya Ịpyị-Adịrahụ ọlẹ je ọng myị́ ọng la ọ-ka juhi ka.
Ba Ọgụ-ẹpẹtẹ nya IJisọsị Jẹ
3. Kpụnịrọ iJihova. Olegu ịgọgọ nya Ohe Oluhye ya ọngịrị ha iJisọsị nyọka ya ẹla Ohe, ọ-ka jẹ́-ẹ ya ọngịrị hang ịnyịnyị nyọka ya ẹla Ohe. (Mat. 10:19, 20; Luk 4:18) Bịlẹ iJihova kọ ka ya olegu nya uhi ojuju ka hang nyọka ya ẹla Ohe je angịlẹ kọ lala o-ri á juhi nyaa myị.—Ụkụr 4:29.
4. Á la angịkịla eje ka. Ahị ka chị pyẹẹ nyọka ya ẹla ta angịhyẹ myị ọọlajị nya abwọlẹ kị la ị-ịnyịrọ, iwe-ahụrụ nyaa, ọhịhị ọlẹ kịị hị, lẹẹ ịgba ọgbagba nyaa. Ma kpịtịya:
5. La olegu nya uhi ojuju ka, ká tị ju angịkịla ihi bala ọdụmwọ-dụmwọ. (Mat. 10:16) Cheji ba hi ịwẹẹ ọdada. Maga ká ya ẹla nyang cheju la ọdụmwọ kori ka yẹ nyori ọngọọwa á nwụlanọ nyọka ke ụrụ wo la ẹrụ ọnyịịla ọwẹ ka lee a yẹ nyori ẹga ọọwa á kpunyi ka.—Etu. 17:14.
