Jesus Mịẹye Bị

Jesus Mịẹye Bị Te Ka Kị Wó Tolumọ Ma O?

2. Omịnị Daabụọ egberi gbaa akị kịmị duomú kịmị laasẹ pịrịmụ yọmị, boloukụrọ kị dọụ wẹrịemi.

 Jesus Dimịẹ

3. Jehovah ka sẹsẹrẹ. Ọkpọnanaowei yalịyalị tẹmẹ kị baratụa Jesus pịrịwẹrị egberigbaa fịrị wẹnị mị, yalịyalị tẹmẹ bị baratụa ị́ kpọ pịrị a paaemi. (Matt. 10:​19, 20; Luke 4:18) Tẹẹ Jehovah pịrịdá baratụa ị́ pịrịwẹrị boloukụrọtimi egberigbaa akị kịmị duomú kịmị laasẹ pịrị.—Acts 4:29.

4. Kịmịotu emibara dii wẹrị ụgụlapẹlẹ a pịrịkụmọ. Kaanghaba kịmịotu inyenrinbụọ, anị emibara, anị karịbụọ anịghakpọ anị nana wẹrịemi yebo duonị, egberigbaa a pịrịmụ yọmị kụrọ wó pịrị kpọ paaemi. Anịa ukie:

1.    Jehovah mọ Jesus mọ kị kịmịotu adụdụ nimi wẹrịemi; omịnị nimigha.

2.   Jehovah dieneni mị kịmịsẹ kị laamịnị.

5. Boloukụrọ, mọabịkpọ kịlịkịlị bá didụbamọ bara ka kị ẹrẹ. (Matt. 10:16) Kịmị mọ bịbịkpụn-kụmọ. Anịa ụbọ mị iné egberi pei dọụghaba dọọ bara akị egberi kunumọdá yọ duo wẹnịseri.—Prov. 17:14.