PANANGIRUGI ITI SARITAAN
LEKSION 6
Kinatured
Prinsipio: “Pinaturednakami ti Diostayo tapno maipakaammomi kadakayo ti naimbag a damag.”—1 Tes. 2:2.
Ti Inaramid ni Jesus
1. Buyaem ti VIDEO, wenno basaem ti Lucas 19:1-7 sa sungbatam dagitoy a saludsod:
Ania ti Masursurotayo ken Jesus?
2. Kasapulantayo ti kinatured tapno maikasabatayo ti mensahe ti Pagarian iti amin a kita ti tattao.
Tuladem ni Jesus
3. Agpannurayka ken Jehova. Nakatulong ken Jesus ti espiritu ti Dios tapno makapangasaba, ket dayta met ti makatulong kadatayo. (Mat. 10:19, 20; Luc. 4:18) No mabutengka a mangasaba iti maysa a tao, ikararagmo ken Jehova a paturedennaka.—Ara. 4:29.
4. Dimo husgaran dagiti tattao. Mabalin a saantayo a kayat a kasarita ti dadduma a tattao gapu iti itsura, kasasaad ken estilo ti panagbiagda, wenno relihionda. Ngem laglagipem:
5. Agbalinka a natured ngem nataktika ken naannad. (Mat. 10:16) Liklikam ti makiriri. No saan a kayat ti kaskasabaam a denggen ti naimbag a damag wenno no ti panagriknam ket delikadon ti situasion, sidadayaw nga agpakadaka.—Prov. 17:14.
