EPANỌ A RE RO MU ẸME HỌ
UWUHRẸ AVỌ 6
Gudu
Oware nọ Ebaibol ọ ta: “Ma rọ ẹkwoma Ọghẹnẹ mai gudu nọ ma ro whowho usi uwoma Ọghẹnẹ kẹ owhai.”—1 Tẹs. 2:2.
Oware nọ Jesu O Ru
1. Rri IVIDIO na, hayo se Luk 19:1-7. Kẹsena whọ vẹ kẹ iyo enọ nọ e rrọ obotọ na:
Eme Ma Wuhrẹ Mi Jesu?
2. O gwọlọ nọ ma rẹ gudu re ma sae ta usi uwoma Uvie na kẹ oghẹrẹ ahwo kpobi.
Rọ Aro Kele Jesu
3. Rẹroso Jihova. Ẹzi Ọghẹnẹ ọ kẹ Jesu ẹgba nọ ọ rọ ta usi uwoma, yọ ọ sae kẹ owhẹ ẹgba re. (Mat. 10:19, 20; Luk 4:18) Lẹ se Jihova re o fiobọhọ kẹ owhẹ gudu, re whọ sae ta usi uwoma kẹ ahwo nọ ozọ rai u bi mu owhẹ.—Iruẹru 4:29.
4. Whọ rọ ekpehre ubiẹro rri ohwo ọvo ho. Ẹsejọ nọ ma tẹ ruẹ oghẹrẹ nọ ahwo jọ a rrọ, oghẹrẹ nọ a riẹ rai odẹ te hayo wo ugho te, oghẹrẹ uzuazọ nọ a bi yeri, hayo egagọ nọ a rrọ, o sae jọ bẹbẹ re ma ta usi uwoma kẹ ae. Rekọ kareghẹhọ nọ:
5. Gudu, rekọ ru ere avọ areghẹ jẹ yọroma. (Mat. 10:16) Who lele ahwo vro avro ho. Whọ tẹ ruẹ nọ ohwo na ọ gwọlọ gaviezọ kẹ usi uwoma na ha, hayo ọ be gwọlọ ru ozighi, rọ areghẹ ku ẹme na họ, whọ vẹ nyasiọ iẹe ba.—Itẹ 17:14.
