WEN WI TAAK TU PIIPL FI DI FOS TAIM
LESN 6
No Fried Fi Priich
Sitn We Yu Kyan Riizn Pan: “Gad gi wi di chrent fi kom tu unu siem wie an kom tel unu di gud nyuuz.”—1 Tes. 2:2.
Wa Jiizas Did Du
1. Wach di VIDIYO, ar riid Luuk 19:1-7. Den ansa dem kwestiyan ya:
Wa Wi Lorn Fram Wa Jiizas Did Du?
2. Wi no fi fried fi priich di gud nyuuz tu evribadi.
Du Laik Wa Jiizas Did Du
3. Chos iina Jeuova fi elp yu. Gad did yuuz im spirit fi gi Jiizas di chrent we im niid fi priich, an im kyan du di sed ting fi yu tu. (Mat. 10:19, 20; Luuk 4:18) Aks Jeuova fi elp yu fi no fried fi priich tu di piipl dem we yu mait-a fried fi priich tu.—Aks 4:29.
4. No joj piipl. Wi mait-a fried fi go taak tu sumadi kaaz a ou dem luk, ar wich paat dem kom fram, ar kaaz dem mait-a luk rich ar dem luk tuu puor, ar di kain-a laif we dem a liv, ar di kain-a choch we dem go. Bot memba se:
5. Iivn duo wi no fi fried, wi fi stil wach wa wi a du an shuo rispek fi dem. (Mat. 10:16) No bada aagyu wid nobadi. Ef dem no waahn lisn tu wa yu a se ar yu fiil se tingz no sief, fain wan nais wie fi tek we yuself.—Pr. 17:14.
