TIMLILIT TAMEZWARUT
TIMEƔRI 6
Ur ţkukru ara
Amenzay: ‘Ṛebbi-nneɣ ixdem-aɣ afud iwakken a wen-nbecceṛ lexbaṛ n lxiṛ’ (1 Itisal. 2:2).
Lemtel i ɣ-d-yeǧǧa Ɛisa
1. Wali BIDYU-YAGI neɣ ɣer-ed Luqa 19:1-7. Mbeɛd, xemmem ɣef yesteqsiyen i d-iţeddun.
Ayen i d-nelmed sɣur Ɛisa
2. Bac a nberreḥ lexbaṛ n Tgelda i lɛibad meṛṛa mebla maḥyaf (lxilaf) neḥwaǧ lkuṛaǧ.
Ɛaned Ɛisa
3. Ţkel ɣef Yahwa. Yahwa iɛawen Ɛisa s ṛṛuḥ-is iqedsen bac ad yesɛu lkuṛaǧ ad iberreḥ. Yezmer ihi a k-iɛiwen ula d kečč (Matta 10:19, 20; Luqa 4:18). Ḍleb-as i Yahwa lkuṛaǧ bac aţ-ţberrḥeḍ i medden meṛṛa, ula i wid i teţkukruḍ (Lec. 4:29).
4. Ur xeddem ara lxilaf ger medden. Tikwal neţkukru a nberreḥ i walbeɛḍ axaṭer neţmuqul ɣer ṣṣifa-s, neţmuqul ma d ameṛkanti neɣ d aẓawali, neţmuqul ɣer lxedma-s neɣ ɣer ddin-ines. Meɛna ur teţţu ara belli:
5. Sɛu lkuṛaǧ, meɛna ţḥadar yerna issin amek ara thedṛeḍ (Matta 10:16). Ur ţnadi ara aţ-ţesɛeddiḍ awal-ik s ddreɛ. Ma iban-ak-d win ukud i theddṛeḍ belli ur s-d-tewqiɛ ara lmeɛna neɣ yebda ireffu, ḥbes yid-es lhedṛa s leqder (Lem. 17:14).
