ЦІЫХУМ ЯПЭУ УЩЕПСАЛЪЭКІЭ
6 УРОКЫР
Шынэр зытумыгъакІуэ
Библием ит принципыр: «Тхьэм дигъэгушхуэри, езым деж къикІ хъыбарыфІыр фхуэтІуэтащ» (1 Фес. 2:2).
Хьисэ и щапхъэр
1. ВИДЕОМ еплъ е Лука 19:1—7 итым къеджи, мы упщІэхэм егупсыс:
Хьисэ и щапхъэм дызыхуригъасэр
2. Зэхэгъэж дымыщІу цІыху псоми депсэлъэн щхьэкІэ лІыгъэ дыхуэныкъуэщ.
Хьисэ щапхъэ тех
3. Иеговэ щыгугъ. Алыхьым и къару лъапІэр Хьисэ зэрыриту щытам и фІыгъэкІэ абы хъыбарыфІыр лІыгъэрэ тегушхуэныгъэрэ хэлъу игъэІут. Иеговэ уэри а къару лъапІэр къыуитыфынущ (Мт. 10:19, 20; Лк. 4:18). Аращи, хъыбарыфІымкІэ зыгуэрым удэгуэшэну утемыгушхуэмэ, лІыгъэ къыуитыну Иеговэ елъэІу (Апост. 4:29).
4. ЦІыху зэхэгъэж умыщІ. ЦІыхум и теплъэм, къызыхэкІам, увыпІэ иІыгъым, и дуней тетыкІэм е дин иІыгъым къыхэкІкІэ абы депсэлъэн щІэддзэну дзыхь дымыщІынкІэ хъунущ. Ауэ зыщумыгъэгъупщэ:
-
1) Иеговэрэ Хьисэрэ фІэкІ цІыхум и гум илъыр зыми илъагъукъым.
-
2) Иеговэ зыдэмыІэпыкъуфын цІыху щыІэу дэ дегупсыс хъунукъым.
5. ПщІэ пхэлъын зэрыхуейр зыщумыгъэгъупщэ икІи умыбэлэрыгъ (Мт. 10:16). ЦІыхум уемыдауэ. Ар къодэІуэну хуэмеймэ е шынагъэ гуэр щыІэу къыпщыхъумэ, гуапэу псалъэмакъыр зэрыбыухыным хущІэкъу (Прит. 17:14, Гъэсэпэтхыдэхэр).