ចាប់ផ្ដើមការសន្ទនា
មេរៀនទី ៦
ក្លាហាន
គោលការណ៍៖ «យើងបានតាំងចិត្តក្លាហានដោយសារព្រះរបស់យើង ដើម្បីប្រាប់ដំណឹងល្អរបស់ព្រះដល់អ្នករាល់គ្នា»។—១ថែ. ២:២
អ្វីដែលលោកយេស៊ូធ្វើ
១. សូមមើល វីដេអូ ឬអានលូកា ១៩:១-៧។ បន្ទាប់មក សូមពិចារណាសំណួរដូចតទៅ៖
តើគំរូលោកយេស៊ូបង្រៀនយើងយ៉ាងណា?
២. យើងត្រូវក្លាហានប្រាប់ដំណឹងរាជាណាចក្រដល់មនុស្សគ្រប់រូប។
ធ្វើតាមលោកយេស៊ូ
៣. ទុកចិត្តព្រះយេហូវ៉ា។ ឫទ្ធានុភាពរបស់ព្រះបានជួយលោកយេស៊ូឲ្យផ្សព្វផ្សាយ ហើយនេះក៏អាចជួយយើងដែរ។ (ម៉ាថ. ១០:១៩, ២០; លូក. ៤:១៨) ចូរសុំព្រះយេហូវ៉ាជួយអ្នកឲ្យមានចិត្តក្លាហាន ដើម្បីផ្សព្វផ្សាយដល់មនុស្សដែលអ្នកមិនហ៊ាននិយាយជាមួយ។—សកម្ម. ៤:២៩
៤. កុំឆាប់វាយតម្លៃមនុស្ស។ យើងប្រហែលជាស្ទាក់ស្ទើរប្រាប់ដំណឹងល្អដល់មនុស្សខ្លះ ដោយសារតែរូបរាង ស្ថានភាព ឋានៈ ជីវភាព របៀបរស់នៅ ឬជំនឿរបស់ពួកគេ។ ប៉ុន្តែ សូមចាំថា៖
-
ក. ព្រះយេហូវ៉ានិងលោកយេស៊ូអាចមើលឃើញចិត្ត តែយើងមិនអាចទេ។
-
ខ. យើងមិនគួរគិតថាបុគ្គលណាម្នាក់អស់កែ ឬគ្មានផ្លូវក្នុងការទទួលជំនួយពីព្រះយេហូវ៉ាឡើយ។
៥. ក្លាហាន តែចេះប្រុងប្រយ័ត្ននិងចេះគោរព។ (ម៉ាថ. ១០:១៦) ជៀសវាងការឈ្លោះប្រកែក។ បើបុគ្គលនោះមិនព្រមទទួលយកដំណឹងល្អ ឬអ្នកមានអារម្មណ៍ថាគ្មានសុវត្ថិភាព សូមបញ្ចប់ការសន្ទនាដោយសម្ដីគួរសម។—សុភ. ១៧:១៤