Kulek kwiikal ni mooy

PLAY

Diiy ditam: “Mawej wiitukashishil ku micim bwiitut kwiinudiil musah mulengel indiy.”—1 Tes. 2:2.

Cilongel Yeez

FILM: Yeez udiidiil Zakeh musah

1. Tal FILM, eecy bal Luuk 19:1-7. Kuunyim kontonon majooj maloolond aam:

Bwabingany baat bavul baakady beehel Zakeh?
I cingany cyaakady cisak Yeez bwa kumudiil musah mulengel ning mwaakadyeby naak?

I biny bituloolongel ku cileejel cya Yeez?

2. Bikaam twiikal ni mucim mukasakan bwiitut kudiil baat boos musah.

Iidikij Yeez

3. Eyeleel Yehow. Spirit mujilang wambulwiishil Yeez bwa kudiley baat musah, ni wiiyiiy ukwambulwiish uw byeeb. (Mat. 10:19, 20; Luuk 4:18) Lomb Yehow bwa akwaakish mucim mukasakan bwiibuh kudiil baat boos bakuciiciinyish musah.—Yil. 4:29.

4. Kubohololoh bend baat. Bidy mwa kulongek bwa tulek kudiil muut musah an bwa mushind udyey, cyaab cidyey mushikacil, mwaanz udyey nend, shikacil indiy eecy bwa malongweesh ma mu diisambil dyaababw. Kady vuluk neey:

Yehow ni Yeez i bab bataatal mu micim ya baat kiinoh bend tut.
Kakwiin muut ning umw udy Yehow kay mwa kufwiilok lus.

5. Kwiikaloh bend ni mooy mu kahit, ki iikal ni budimw ni kaneemw. (Mat. 10:16) Lek kukokangan. Ni bukalang boos kosol mwiisamb hady muut kay mukat kukukun mat ni uw mutal neey buumy bwiibuh bukaady mu buuhund.—Tus. 17:14.

TAL CIIKWAABW

Yil. 4:31; Ef. 6:19, 20; 2 Tim. 1:7

KAT BAAT—IIBALAABUL BASHAAL BIIYIJ