MWA KUTANG KWIISAMB NI BAAT
DIILONGWEESH 6
Kulek kwiikal ni mooy
Diiy ditam: “Mawej wiitukashishil ku micim bwiitut kwiinudiil musah mulengel indiy.”—1 Tes. 2:2.
Cilongel Yeez
1. Tal FILM, eecy bal Luuk 19:1-7. Kuunyim kontonon majooj maloolond aam:
I biny bituloolongel ku cileejel cya Yeez?
2. Bikaam twiikal ni mucim mukasakan bwiitut kudiil baat boos musah.
Iidikij Yeez
3. Eyeleel Yehow. Spirit mujilang wambulwiishil Yeez bwa kudiley baat musah, ni wiiyiiy ukwambulwiish uw byeeb. (Mat. 10:19, 20; Luuk 4:18) Lomb Yehow bwa akwaakish mucim mukasakan bwiibuh kudiil baat boos bakuciiciinyish musah.—Yil. 4:29.
4. Kubohololoh bend baat. Bidy mwa kulongek bwa tulek kudiil muut musah an bwa mushind udyey, cyaab cidyey mushikacil, mwaanz udyey nend, shikacil indiy eecy bwa malongweesh ma mu diisambil dyaababw. Kady vuluk neey:
5. Kwiikaloh bend ni mooy mu kahit, ki iikal ni budimw ni kaneemw. (Mat. 10:16) Lek kukokangan. Ni bukalang boos kosol mwiisamb hady muut kay mukat kukukun mat ni uw mutal neey buumy bwiibuh bukaady mu buuhund.—Tus. 17:14.