MUHTWACWACACK SIE MWE SRAMSRAM
MWE LUTLUT 6
Tiac Tuhfal Ac Sahngweng
Oakwuck Wowo: “God lasr El ahkpuhlaikye kuht in fahkwack nuh suwos Pweng Wo suc tuhkuh sel me.”—1 Thes. 2:2.
Meac Jesus El Oruh
1. Liye VIDEO se, kuh riti Luke 19:1-7. Tohkohyang nuhnkuh ke kihsen siyuck inge:
Meac Kuht Kuh In Lotwelah Kacl Jesus?
2. Kuht enenuh in tiac sahngweng tuh kuht in fahkwack pweng wo ke Tohkohsrahi nuh sin mwet nuhkewa.
Etahel Jesus
3. Luhlahlfongi Jeova. Nguhn luhn God sang nuh sel Jesus kuh ma el enenuh elan fahkwack pweng wo ac ma inge kuh in kahsre kom pac. (Mt. 10:19, 20; Luke 4:18) Kom fin tuhfal kuh sahngweng in fahkwack nuh sin sie mwet, siyuck sin Jeova in kahsre kom in puhlaik.—Orekma 4:29.
4. Nimet sa in nuhnuhnkuh mwet uh. Sahp kuht tahfuh luo in sramsram nuh sin kuhtuh mwet uh ke srihpen atacltahl, eltahl pwengpweng ac kahsruhp, ohiyen moul laltahl, kuh luhlahlfongi laltahl. Tuhsruhktuh esam lah:
5. Puhlaik tuhsruhktuh kom in suhnakihn mwet ac ngucsrihk. (Mt. 10:16) Nikmet akuhkuhin. Ahksahfyelah sramsram an ke inkacnek kuhlwacng fin sie mwet el sruhnga in lohng ke pweng wo, kuh kom puhlakihn muh oasr mwe sensen.—Soa. 17:14.
