စးထီၣ်တဲသကိးတၢ်ဒီးပှၤဂၤ
တၢ်မၤလိ ၆
အိၣ်ဒီးတၢ်သူၣ်ဒူသးဒူ
တၢ်ဂ့ၢ်လၢအရ့ဒိၣ် “ကစၢ်ယွၤ ဟ့ၣ်ပှၤတၢ်သူၣ်ဒူသးဒူ ဒ်သိးပကတဲဘၣ်သုလၢ ကစၢ်ယွၤ အတၢ်သးခုကစီၣ်အဂီၢ်.”—၁ သ့း ၂:၂.
ယ့ၣ်ၡူးမၤဝဲဒ်လဲၣ်
၁. ကွၢ် တၢ်ဂီၤမူ ဒီး ဖး လူၤကၣ် ၁၉:၁-၇. ဝံၤဒီးတဲသကိး တၢ်သံကွၢ်လၢလာ်တဖၣ်အံၤ–
ပမၤလိန့ၢ်တၢ်လၢ ယ့ၣ်ၡူးအအိၣ်ဒ်လဲၣ်
၂. ဒ်သိး ပစံၣ်တဲၤတဲလီၤ ပှၤကိးဂၤဒဲး ကဘူၣ်အဂီၢ် ပလိၣ်ဘၣ် တၢ်သူၣ်ဒူသးဒူ.
ကွၢ်လိမၤဒိးယ့ၣ်ၡူး
၃. သန့ၤသးလၢ ယဟိဝၤယွၤ. ယဟိဝၤယွၤ အသးစီဆှံ မၤစၢၤယ့ၣ်ၡူးလၢ ကစံၣ်တဲၤတဲလီၤတၢ်အဂီၢ် အဃိ ယဟိဝၤယွၤ အသးစီဆှံ ကမၤစၢၤစ့ၢ်ကီးပှၤလၢ ပစံၣ်တဲၤတဲလီၤတၢ်ကဘူၣ်စ့ၢ်ကီး. (မး ၁၀:၁၉, ၂၀; လူၤကၣ် ၄:၁၈) ဖဲပစံၣ်တဲၤတဲလီၤပှၤဂၤအခါ ပမ့ၢ်ပျံၤတၢ်န့ၣ် ဃ့ယဟိဝၤယွၤ အတၢ်မၤစၢၤ ဒ်သိးအကဟ့ၣ်ပှၤ တၢ်သးဒူ.—မၤတၢ် ၄:၂၉.
၄. တဘၣ်စံၣ်ညီၣ်ဆိပှၤဂၤတဂ့ၤ. ပှၤတနီၤနီၤ ခီဖျိလၢ အက့ၢ်အဂီၤ, အကဲပှၤထူးပှၤတီၤ, အကဲပှၤဖှီၣ်ဖိယာ်ဖိ, အမ့ၢ်ပှၤလၢ အမံၤဟူသၣ်ဖျါ မ့တမ့ၢ် အတၢ်စူၢ်တၢ်နာ် အဃိ ဘၣ်သ့ၣ်သ့ၣ် ပတအဲၣ်ဒိး စံၣ်တဲၤတဲလီၤအဝဲသ့ၣ်ဘၣ်. ဘၣ်ဆၣ် ပကဘၣ်သ့ၣ်နီၣ်ထီၣ်လၢ–
-
က. ယဟိဝၤယွၤ ဒီးယ့ၣ်ၡူးန့ၣ် ထံၣ်ပှၤသး မ့မ့ၢ်ပှၤန့ၣ် ပတထံၣ်ပှၤသးဘၣ်.
-
ခ. တဘၣ်ဆိကမိၣ်လၢ ပှၤတဂၤအံၤ ယဟိဝၤယွၤ မၤစၢၤအီၤတန့ၢ်ဘၣ်န့ၣ်တဂ့ၤ.
၅. ပအိၣ်ဒီးတၢ်သးဒူဘၣ်ဆၣ် ပကဘၣ်အိၣ်ဒီး တၢ်ကူၣ်သ့ဒီးတၢ်ပလီၢ်သး. (မး ၁၀:၁၆) တဘၣ်ဟးတဲအါလိာ်သးဒီး ပှၤဂၤဘၣ်. ပှၤတဂၤ မ့ၢ်တသးအိၣ်ဒိကနၣ် တၢ်သးခုကစီၣ် လၢပတဲအီၤ မ့တမ့ၢ် နမ့ၢ်တူၢ်ဘၣ်လၢ တၢ်လီၤဘၣ်ယိၣ်အိၣ်န့ၣ် လၢတၢ်ကူၣ်သ့အပူၤ တဘၣ်ဆဲးစံၣ်တဲၤတဲလီၤ အဝဲသ့ၣ်လၢၤတဂ့ၤ.—ကတိၤ ၁၇:၁၄.