ເລີ່ມລົມ
ບົດທີ 6
ກ້າລົມ
ຫຼັກການ: “ພວກເຮົາກໍລວບລວມຄວາມກ້າດ້ວຍຄວາມຊ່ວຍເຫຼືອຈາກພະເຈົ້າຂອງພວກເຮົາ ແລ້ວໄປບອກຂ່າວດີຂອງເພິ່ນກັບພວກເຈົ້າ.”—1 ທຊ. 2:2
ສິ່ງທີ່ພະເຢຊູເຮັດ
1. ເບິ່ງ ວິດີໂອ ຫຼືອ່ານລູກາ 19:1-7. ແລ້ວຕອບຄຳຖາມຕໍ່ໄປນີ້:
ເຮົາໄດ້ບົດຮຽນຫຍັງຈາກພະເຢຊູ?
2. ເຮົາຕ້ອງມີຄວາມກ້າເພື່ອຈະປະກາດຂ່າວດີເລື່ອງການປົກຄອງຂອງພະເຈົ້າກັບທຸກຄົນ.
ຮຽນແບບພະເຢຊູ
3. ເພິ່ງພະເຢໂຫວາ. ພະລັງຂອງພະເຈົ້າຊ່ວຍພະເຢຊູໃຫ້ມີກຳລັງໃນການປະກາດ ແລະພະລັງນີ້ສາມາດຊ່ວຍເຈົ້າໄດ້ຄືກັນ. (ມທ. 10:19, 20; ລກ. 4:18) ຂໍພະເຢໂຫວາຊ່ວຍເຈົ້າໃຫ້ກ້າປະກາດກັບຄົນທີ່ເຈົ້າຢ້ານ.—ກຈກ. 4:29
4. ຢ່າຕັດສິນຄົນອື່ນ. ເຮົາອາດລັງເລທີ່ຈະລົມກັບບາງຄົນຍ້ອນຮູບຮ່າງໜ້າຕາ ຖານະທາງສັງຄົມ ການໃຊ້ຊີວິດ ຫຼືຄວາມເຊື່ອຂອງເຂົາເຈົ້າ. ແຕ່ຂໍໃຫ້ຈື່ໄວ້ວ່າ:
5. ກ້າຫານແຕ່ໃຫ້ເຄົາລົບນັບຖືແລະລະມັດລະວັງໂຕນຳ. (ມທ. 10:16) ຫຼີກລ່ຽງການໂຕ້ຖຽງ. ໃຫ້ເຊົາລົມຖ້າຄົນທີ່ເຈົ້າລົມນຳບໍ່ຢາກຟັງຂ່າວດີຫຼືຖ້າເຈົ້າຮູ້ສຶກບໍ່ປອດໄພ ແຕ່ກໍໃຫ້ເຮັດແບບສຸພາບ.—ສພສ. 17:14
