KUKALISA PUISANO
TUTO 6
Bundume
Sikuka: “Mulimu alufa bundume bwa kuli lumibulelele taba yende.”—1 Mates. 2:2.
Zanaaezize Jesu
1. Mubuhe VIDIO, kamba mubale Luka 19:1-7. Hasamulaho, munyakisise lipuzo zelatelela:
Luitutañi ku Jesu
2. Lutokwa kuba ni bundume kuli lukutaze taba yende ya Mubuso kusina kuketulula batu.
Mulikanyise Jesu
3. Musepe Jehova. Moya wa Mulimu neutusize Jesu kukutaza, mi wakona kumitusa ni mina. (Mat. 10:19, 20; Luka 4:18) Mukupe Jehova kuli amife bundume bwa kukutaza kwa batu bababonahala kusabisa.—Lik. 4:29.
4. Musike mwaatula batu. Lukona kusaba kukutaza kwa batu babañwi bakeñisa mobabonahalela, mayemo abona mwa silalanda, sifumu sebanani sona, mupilelo wabona, kamba bulapeli bwabona. Kono muhupule taba ye:
-
Jehova ni Jesu bakona kubona ze mwa lipilu za batu; kono luna halukoni.
-
Haluswaneli kuikutwa kuli batu babañwi habaswaneli kushemubiwa ki Jehova.
5. Mube ni bundume kono hape mubonise likute ni maseme. (Mat. 10:16) Musike mwakanana ni batu bomuambola ni bona. Mutuhele kuambola ni mutu haiba ubonahala kuli hatabeli kuteeleza kwa taba yende kamba haiba muikutwa kuli wakona kumieza maswe kono mueze cwalo ka likute.—Liprov. 17:14.
