Bayi Mufwa Mutentuku

VUMISHENU

Chishina: “Nzambi watukwashili kwikala ahamuka hakuyishimwina enu nsañu yayiwahi.”—1 Tesa. 2:2.

Chamwekesheliyi Yesu Ichi Chilwilu

VIDIYO: Yesu naKumushimwina Zakewu

1. Talenu VIDIYO, hela tañenu Luka 19:1-7. Kufumahu dihulenu awa malwihu:

Muloñadi antu chamutemokeleleñawu Zakewu?
Chumanyi chamuletesheli Yesu yatachiki kumushimwina nsañu yayiwahi?

Chumanyi Chitunakudizila Kudi Yesu?

2. Neyi tunakukeña kushimwina antu ejima chakadi chaambu, chiña twikala ahamuka.

Mufwanenu Yesu

3. Shindamenenu Hadi Yehova. Spiritu yaNzambi yamukwashili Yesu kushimwina, nawa yinateli kuyikwasha ninenu. (Mat. 10:19, 20; Luka 4:18) Mulombenu Yehova yayinki muchima wakuhamuka neyi himukushimwina antu imunakufwa mutentu.—Yilw. 4:29.

4. Bayi mudiwula antuku. Hadaha tukwikala nachikaka chakuhosha nawantu amakwawu muloña wanochu chinakumwekanawu, indi kwiji hiyatuzweñi hela muloña wachihandilu chashakamañawu, indi kwiji muloña wayuma yakuhwelelawu. Ilaña, anukenu nenu:

Yehova niYesu diwu amonaña munyichima, ilaña etu antu nehi.
Antu ejima Yehova wayitiyilaña luwi.

5. Ikalenu ahamuka ilaña ikalenu ababala nawa asoñama. (Mat. 10:16) Kuleta ntaadi nehi. Neyi munamoni nenu owu muntu nakaani kutambwila nsañu yayiwahi hela nenu wumi wenu wudi muwubanji, kumishenu mpanji yenu nakalemesha.—Yish. 17:14.

TALENU CHEÑI

Yilw. 4:31; Efwe. 6:19, 20; 2 Tim. 1:7

KEÑENU ANTU, ILISHENU ATUMBANJI