TUʼN T-XI TZYET TUʼN TYOLINA
XNAQʼTZBʼIL 6
Tenx tipumala
Nabʼil toj Tyol Dios: «Mintiʼ o xobʼe, noq oʼkx ok qeʼ qkʼuʼje tiʼj Dios tuʼn t-xi qpakbʼaʼne tqanil kolbʼil aju tzaj tqʼoʼn Dios» (1 Tes. 2:2).
Aju bʼant tuʼn Jesús
1. Qʼonka twitza tiʼj VIDEO moqa uʼjinktza Lucas 19:1-7. Yajxitl, xnaqʼtzankuya qe xjel lu:
¿Tiʼ xnaqʼtzbʼil jaku tzʼel qiʼn tiʼj Jesús?
2. Il tiʼj tuʼn tten qipumal tuʼn qyolin tiʼj axix tok kyukʼil kykyaqil xjal.
Kanoʼmila tiʼj Jesús
3. Qeʼk tkʼuʼja tiʼj Jehová. Onin xewbʼaj xjan tiʼj Jesús tuʼn tten tipumal tuʼn tpakbʼan, ax ikx jaku tzʼonin tiʼja (Mat. 10:19, 20; Luc. 4:18). Bʼaʼn tuʼn t-xi tqanina tipumala te Jehová tuʼntzun miʼn ttzaj xobʼa aj tpakbʼana (Hech. 4:29).
4. Miʼn che el tikʼuna qe xjal. Atlo maj in qo tzaj xobʼ tuʼn qpakbʼan kye xjal tuʼnju tzeʼn che keʼyin, tuʼnju at kypwaq, tuʼnju o tzʼetz jun kyxnaqʼtzbʼil, tuʼnju at jun kyokslabʼil moqa tuʼnju alkye tten in che anqʼin. Pero bʼaʼn tuʼn ttzaj tnaʼna jlu:
-
Mintiʼ ojtzqiʼn quʼn tiʼ tkuʼx toj kyanmi xjal, oʼkx Jehová ex Jesús ojtzqilte.
-
Miʼn kubʼ t-ximana qa mlay tzaj qʼaqʼin tkʼuʼj Jehová tiʼj jun xjal.
5. Tenx tipumala ex tnabʼila (Mat. 10:16). Respetarina te xjal ex miʼn jaw ilina tukʼil. Qa nya taj xjal tuʼn tyolina tukʼila moqa nya bʼantni ttena, maslo bʼaʼn tuʼn tbʼaj yolina tukʼil xjal toj tumel (Prov. 17:14).
