KOUMANS ENN KONVERSASION
LESON 6
Kouraz
Prinsip: “Nou ti pran boukou kouraz gras-a nou Bondie pou dir zot bon nouvel.”—1 Tes. 2:2.
Seki Zezi Ti Fer
1. Get VIDEO, ouswa lir Lik 19:1-7. Apre sa, reponn sa bann kestion-la:
Ki To Kapav Aprann ar Lexanp Zezi?
2. Nou bizin ena kouraz pou pres bon nouvel ar tou kalite dimounn.
Swiv Lexanp Zezi
3. Kont lor Zeova. Lespri sin Bondie ti donn Zezi lafors pou prese ek li kapav donn twa osi lafors. (Mat. 10:19, 20; Lik 4:18) Demann Zeova pou donn twa kouraz pou pres ar tou dimounn, mem bann ar ki to per pou prese.—Zistwar Bann Zapot 4:29.
4. Pa ziz dimounn-la alavans. Kitfwa nou ezite pou koz ar sertin akoz zot laparans, zot pozision, zot travay, zot relizion, ouswa parski zot ena enn move lavi. Me pa bliye ki:
-
Zeova ek Zezi kapav lir dan leker bann dimounn; me twa to pa kapav.
-
Fode pa to panse ki sa dimounn-la enn lamone zete ek ki Zeova pa kapav ed li.
5. Ena kouraz, me res pridan ek ena respe. (Mat. 10:16) Pa diskit ar dimounn-la. Avek zantiyes, aret konversasion-la si dimounn-la pa anvi ekoute ouswa si li vinn agresif.—Prov. 17:14.
