Vika Yesu ua lingile

Vi tu Lilongesa Kuli Yesu

2. Tua tondeka ku simpa linga tua ambulule muzimbu ua vuangana kuli uose ouo.

 Kavenu Lungano lua Yesu

3. Kulahelenu muli Yehova. Sipilitu ya Njambi ya hele ngolo Yesu linga ambulule, nenu vene mu hasa ku tambula ngolo yaco. (Mat. 10:19, 20; Luka 4:18) Vundileni Yehova a mi hane ku simpa linga mu ambuluile kuli vaze va mue ku vuila liova.—Vilinga 4:29.

4. Kati mu hise vantu mu mutima. Ci hasa ku tu kaluuila ku ambuluila vamo vantu omo lia cifua cavo, kakesi kavo, vupite vuavo ni viuma vi va tsiliela. Vunoni vulukenu ngecize:

1.    Yehova na Yesu ve ku mona mitima ya vantu yetu kuahi.

2.   Na umo muntu uahi ka fuilile ku tambula ngozi ya Yehova.

5. Puenu va ku simpa oku mu muesa kasingimiko na liano. (Mat. 10:16) Kati mu lihoye. Na kasingimiko kose vatulenu ku simutuila cenu na muntu ka muesele cizango ku muzimbu ua cili ni nga mua mono nguenu viuma vili na ku ila mu njila yeka.—Visi. 17:14.