XIONPEUA XIKINNOJNOTSA OKSEKIN
TAMACHTILIS 6
Maj tiyolchikaujkej
Tein Biblia kijtoua: “Dios techyolchikauak para tamechixmatiltiskej kuali tanauatilmej” (1 Tes. 2:2).
Tein Jesús kichiuak
1. Xikonita VIDEO oso xikonlero Lucas 19:1-7. Ompa xiontanemili itech nejin netajtanilmej:
¿Toni techmachtia tein kichiuak Jesús?
2. Moneki tiyeskij tiyolchikaujkej para maj nochin ueli tikinmatiltikan kuali tanauatilmej.
Xikonchiua kemej Jesús
3. Jehová mitsonpaleuis. Ichikaualis Dios kipaleuij Jesús para maj ueli kiteixmatilti kuali tanauatilmej uan tejuatsin no uelis mitsonpaleuis (Mat. 10:19, 20; Luc. 4:18). Xikontajtani Jehová maj mitsonpaleui para uelis tikinnojnotsas akin xa tikinmouilia (Hech. 4:29).
4. Nochin xikinnojnotsa. Kemansa xa techouijkisa tikinnojnotsaskej oksekin porin taman kemej ixtamatij, tominpiaj, taman kemej nemij oso taman tein kineltokaj. Sayoj ke xikonelnamiki:
-
1). Jehová uan Jesús kimatij toni yekmelauj kimachilia uan kinemilia aksa, tejuan amo.
-
2). Maj tikelnamikikan ke Jehová uelis kipaleuis akin yeski.
5. Xionyolchikauak sayoj ke no xionmoyekpia (Mat. 10:16). Xiontapoujkaita uan amo xionmotajtolteui. Komo tikonita ke aksa amo kineki mitsonkakis oso tikonnemilia ke teisa uelis mitsonpanos, ika poujkaitalis xikonilui ke okse tonal nantajtoskej (Prov. 17:14).