KUTANGISA MABHUYO
CIJIJO 6
Kutama Kuthya
Ndhungamiriro: “Takabesehwa ndi Mwari kuti tive vandhu vakacunga, pa kubhuya masoko akanaka.” —1 Vat. 2:2.
Jesu wakaitenyi?
1. Vonanyi VHIDHIYO, kana verenganyi Ruka 19:1-7. Perapo daviranyi muvhunjo jinotevera:
Tinojijenyi ngo Muezaniso wa Jesu?
2. Tinoda kuva vandhu vacikathyi kuti tikwanise kucumaera masoko o Umambo ku vandhu vese.
Tevejeranyi Jesu
3. Thembanyi Jehovha. Mujimu mucena wa Mwari wakabesera Jesu kuti akwanise kucumaera, iwona ungamubeseravo. (Mat. 10:19, 20; Ruk. 4:18) Kumbiranyi Jehovha cicunge kuti mukwanise kucumaera vandhu vanovoneka inga vanothyisa.—Mab. 4:29.
4. Mucadotonga vamweni. Tingathya kubhuya no vandhu vamweni ngo ndava yo mavonekero avo, ciimo cavo no zvovanazvo mu upenyu. Asi ceukijanyi kuti:
-
Jehovha na Jesu vanokwanisa kuvona zviri mu mwoyo, itusu atikwanisi.
-
Atidikani kurangarira kuti mundhu uwu aadikani kubesehwa ndi Jehovha.
5. Ivanyi mundhu acikathyi asi pa mukuvo umweo ano ndereremejo. (Mat. 10:16) Ngwariranyi kuti mutame kuvereketesana. Munodikana kupejisa ushoni mabhuyo no mundhuwo kudari iyena aacaripizve kudakarira.—Mazwi 17:14.
