Kala wu na omukumo

DHANA

Kala wu na omukumo

Ekotampango: “Kalunga okwe tu pe omukumo oku mu hokololela elaka etoye.” — 1 Tes. 2:2.

Shoka Jesus a ningi

OKAVIDIO: Jesus ta uvithile Sakeus

1. Tala OKAVIDIO, nenge wu leshe Lukas 19:1-7. Opo ihe to yamukula omapulo taga landula:

Omolwashike aantu yamwe tashi vulika ya li haya henuka Sakeus?
Ihe oshike sha li shi inyengitha Jesus e mu uvithile onkundana ombwanawa?

Oshike tatu ilongo koshiholelwa shaJesus?

2. Otwa pumbwa okukala tu na omukumo, opo tu uvithile aantu ayehe etumwalaka lyUukwaniilwa.

Holela Jesus

3. Inekela muJehova. Ombepo yaKalunga oya li ya pe Jesus oonkondo dhokuuvitha notayi vulu wo oku ku nkondopaleka. (Mat. 10:19, 20; Luk. 4:18) Pula Jehova e ku kwathele wu kale wu na uulaadhi, wu uvithile aantu mboka ho tila. — Iil. 4:29.

4. Ino pangula aantu. Otashi vulika tu ongaonge okupopya naantu yamwe omolweholokopo lyawo lyokombanda, omuhoko, nenge ondondo yawo, eihumbato lyawo, nenge eitaalo moka ye li. Ihe dhimbulukwa kutya:

Jehova naJesus ohaya vulu okumona shoka shi li momitima dhaantu, ihe tse ihatu vulu oku shi mona.
Jehova ota vulu okusila ohenda omuntu kehe.

5. Kala wu na uulaadhi, ihe kala wo wu na ondjaalela nowa kotoka. (Mat. 10:16) Yanda okunyenyeta naantu. Ngele owu wete kutya omuntu ina hala okupulakena konkundana ombwanawa, nenge wu wete kutya owu li moshiponga, hulitha po nombili oonkundathana dheni. — Omayel. 17:14.

TALA WO OMANYOLO TAGA LANDULA

Iil. 4:31; Ef. 6:19, 20; 2 Tim. 1:7

KALA WU HOLE AANTU — YA NINGA AALONGWA