UKUTHOMISA IKULUMISWANO
ISIFUNDO 6
Yiba Nesibindi
Ikambisolawulo: “Ngesizo lakaZimethu saba nesibindi sokunitjela iindaba ezimnandi zakaZimu.”—1 Thes. 2:2.
Lokho UJesu Akwenzako
1. Bukela IVIDIYO, namkha ufunde uLukasi 19:1-7. Ngemva kwalokho uphendule imibuzo elandelako:
Khuyini Esiyifunda KuJesu?
2. Sitlhoga isibindi nasizakutjhumayela umlayezo womBuso kibo boke abantu.
Lingisa UJesu
3. Thembela kuJehova. Umoya kaZimu wanikela uJesu amandla wokutjhumayela, nawe ungakusiza. (Mat. 10:19, 20; Luk. 4:18) Bawa uJehova akuphe isibindi sokutjhumayeza labo obasabako.—IzE. 4:29.
4. Ungahluleli abantu. Kungenzeka sizaze ukukhuluma nabanye abantu ngebanga lendlela abaqaleka ngayo, iinkhundla zabo, indlela abanjinge ngayo, indlela abaphila ngayo namkha iinkolelo zabo. Kodwana khumbula ukuthi:
5. Yiba nesibindi kodwana uhloniphe bewutjheje. (Mat. 10:16) Kubaleke ukuphikisana. Qeda ikulumiswano ngomoya ophasi nange umuntu angafuni ukulalela iindaba ezimnandi namkha nange uzizwa ungakaphephi.—IzA. 17:14.
